|
Diverse: Codex diplomaticus Anhaltinus/Band 3 |
|
|
1347. April 6. Dessau. Konrad von Reder verkauft den Fürsten Albrecht II und Waldemar I von Anhalt das Dorf Merzin.
We her Conraad van Redere bekennen openbar in disme opene breve, dat we vorcoft hebben den edelen fürsten unsen leven herren greven Albrechte und greven Woldemareh van Anhalt dat dorp tü Mortzyn mit al deme, dat dartü hört in velde und in dorpe, ledich unde vorleghen, sodane wys, alse hirna bescreven stat. We laten unsen vorgenanten herren van Anhalt veftehalve hüve unde drittich lenes unde erves in den vorbenümden dorpe tü Mortzyn, des Scholen unse vorgenanten heren uns gheven vor iowelke hüve twü Kothensche mark, des we den köre hebben, af we vyer grossen unde en schok vor de mark nemen willen ader Kothensche penninghe gewegen ene mark. We laten ok unsen vorgenanten herren ene hüve, de tü der kerken mit alme rechte hört tü Mortzyn, dar we gerichte oppe hebben, dar unse herren uns vor gheven Scholen, dat redelik is. Des Scholen unse vorgenanten herren uns bereden tyingh mark twischen hier unde sente Wolburgen dagh, dat ander gelt schulen unse herren uns bereden up unser vruwen dagh Halle-iarmarkt. Cofte we vor dem daghe irgent gut, dat Scholen uns unse herren los maken op de vorbenümden tyt. Beredden unse herren uns op den dagh nicht, so schulden sye uns volgen laten wysser gülde, io oppe achte mark ene mark op sente Mertens dagh der werunghe, de vorbenümet is. Wes we nicht bewysen an dissen vorbescreven hüven, des schal uns brok werden an deme gelde; bewyse we ok mer hüven, den hirvor bescreven stan, so Scholen uns unse herren mer gelden. Unse herren Scholen unsek ok an deme anderen gude, dat tü deme gerichte tü Mortzyn hört, nicht hindern, sye en geldent uns af, als et redelik is, wan we unsen herren nicht mer vorcoft hebben denne dat dorp tü Mortzyn mit al deme, dat dartü hört in velde und in dorpe, ledich und vorleghen. Wer ok dat unsek yemant ande- dinghde um dyt vorgenante gut, des Scholen unse herren unsek vordedinghen des be- sten, des sye moghen. Tü ener orkünde disser dinghe heb we her Conrad van Reder unse ingesegel ghehenget an dissen bref. Tüghe disser dinghe sint: her Dyderik de provest tü Coswik und her Tzorre, det gededinght hebben, her Conrad van Lübzstorp unser herren hoverichter, her Woyghe, her Tylemannus Schultechten und Borchard unser herren scryvere.
Gegeven na Goddes gebort drittyinghundert iar in deme sevenundevyertegesten iare, in deme vrydaghe no Österen, tü Dessowe.
Aus dem Original im Haus- und Staatsarchive zu Zerbst: das an einem Pergamentbande angehängt gewesene Siegel ist verschwunden. — Vergl. no. 812.
Diverse: Codex diplomaticus Anhaltinus/Band 3. Dessau: Emil Barth, 1877, Seite 576. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_576.jpg&oldid=- (Version vom 31.7.2018)
