|
Verschiedene: Codex diplomaticus Anhaltinus/Band 4 |
|
|
eyne vollenkomene orveide, sienem lande und luden, und dy orveide mit twen bekanten bederven luden siener frunde vorwisset hebbe und vorbrivet, und bisundir ok umb den dorchluchtigsten fursten und hern den marcgreven van Brandeborch, dat unse herre van Anhalt und alle dy siene und dy tu der stund mit om waren up dem velde, dar Otte Schere wart gefanghen, von disser sake und geschichte wegen van dem gnanten unsem hern dem marcgreven ane alle verdechtnisse und dedinghe blive, und Otte Schere des hebbe geschicket und geantwordet unsem hern van Anhalt unses herren des marc- greven orkunde und opene brive. Und wenne alle disse vorschrevene stucke, artikele unde gelovede und brive unsem hern van Anhalt sint gentzliken vollentogen und ge- leistet, so schal Otto Schere des gefengnisses von om ledich sien und entbunden. Ok en schal neyn sake adir vorsumenisse van schrift adir ingesegele wegen dissen brive und allen geloveden schedelik noch hinderlik sien. Alle disse vorschrevene gelovede und artikele hebbe wy gnanten Hennigh Grote, Richard van Bardeleve und Dyderik Bogelsak gelovet und loven ane arch unsem hern greven Hanse van Anhalt, sienen erven und on tu getruwer hant den ergnanten fursten und herren ern Wentzlae und ern Albrecht hertogen tu Sassen und Lüneburg, ern Friderik marcgreven tu Miszen, greven Heynrich van Hennenberg und den erbarn ern Kerst Beemen, ern Gherard Woyen, Hanse van Brandeiz, Heynrik van Wolve, Albrecht van Ysenburg, Erwyne van Reppchow, Albrecht van Cerwist, Hennigh van Czimmenstede, Sluke Spisere, Thilen Luptitze und Clawese Bernstorpe und den ratmannen der stad tu Cerwist stede und gantz tu haldene mit orkunde disses brives, den wy hebben gegeven besegelet mit unsen vorgnanten Richardes van Bardeleven und Dyderik Bogelsackes ingesegelen. Und ik Hennigh Grote hebbe gelovet und love mit gudem willen und truwen undir Richar- des van Bardeleven ingesegel, des ik tu disser stund bruke an dissem brive, dy gescre- ven is' nach Cristi gebort dritteynhundert iar in dem negenundsevetigesten iare, in sende Appollonien dage, dat is des middeweken vor Exurge.
Aus dem Original im Haus- und Staatsarchive eu Zerbst, mit den an Pergamentbändern anhängenden Siegeln Richards von Bardeleben und Dietrichs Bogélsack. — 1. Fehlt im Orig. — In dorso [gleichzeitig): Otto Schere is noch scholdich fdnftigen mark.
1379. Februar 9. Klaus von Stechow, Otto von Stechow und Genossen geloben, zur Lösung des von dem Fürsten Johann II von Anhalt gefangenen Andreas von der Bone dem genannten Fürsten fünfzig Mark zu zahlen.
Wie Claus von Stechow, Otto von Stechow, Heyne Dammecker, Claus von Barde- leve, Herman Bardeleve und Petze von der Bône bekennen mit dissem gegenwertigen briefe, dat wie hebben gelovet und loven mit gesammender hant in guten truwen ane argelist dem hochgeborne fursten und herren graven Johanse von Anhalt und sinen erven und on zu getruwer hant den durchluchtigisten fursten und herren ern Wentzslaen und ern Albrechte hertogen to Sachsen und Lûneburch, ern Friderich marcgraven to Miszen, dem edeln graven Heinrich von Hennenberg und den erbern luten ern Kersten Boemen, ern Gerhart Woyen, Hanse von Branditz, Heinrich von Wolve, Albrechte von
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 399. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_399.jpg&oldid=- (Version vom 31.7.2018)
