unbekannt: Datt högeste unde öldeste water recht | |
|
hefft he gebreck[1] (alse batalinge tho dönde) mach he de touwe[2] wol vor setten / myth rade syner schiplüde.
Item Eyn Schip licht in einer hauen / vnd is vor beiden wedder vnd wynt / vnd ehr he tho segel geyt / is de Schipper plichtich rath tho nemen myt synen schiplüden vnde seggen/ Gy heren / wy hebben wynt tho segelen / Weren nu etlike van den schiplüden dede seden / de wynt is nicht gudt / vnde etlike seggen / dat wedder vnd wint is schon vnd gudt / de Schipper is schüldich vnd plichtich auer ein tho dregen myt den meysten parten van dem folcke / Wen de Schipper anders dede / vnd dar yennich schade aff qweme an dat schip / edder an des Kopmans gudt / de Schipper schal den schaden betern vnde betalen / wo he anders so vele gudes hefft / dat is dat recht dar van.
Item Tho brickt ein Schip in yenigem lande (yd sy wor yd sy) de Schiplüde synt schüldich dat gudt tho redden vnde bergen alse se meist vnd best könen / vnd is dat se dem
unbekannt:Datt högeste unde öldeste water recht. Lübeck: Jurgen Richloff, 1537, Seite 7. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_07.jpg&oldid=- (Version vom 18.8.2016)