unbekannt: Datt högeste unde öldeste water recht | |
|
Item Yd beghyfft sick dat ein schip licht tho Bordeus edder anderswor / so mögen twe schiplüde vth dem schepe ghan vnd nemen eyn gerichte myth sick vth dem schepe van sodaner spyse alse men gewönlick is in deme schepe tho ethende / vnd so vele brodes alse se tho einer maltydt vp ethen mögen / Men see möghen nein gedrencke vth dem schepe dregen / Vnde möten drade wedder tho schepe ghan / so dat des schepes werck dorck se nicht vorsümet werde / Wente neme de Schipper schaden an deme schepe edder an des Kopmans gude by erem gebreke / see synt schüldich dat tho vorbeteren / Wenner eyn edder mher van den ghesellen des schepes sick wee deden vormiddelst erem gebreke des werkes / so synt se schüldich den yennen de sick wee gedhan hefft / laten gesunt maken tho des Schippern vnde des Stürmannes vnd tho der anderen schepes gesellen seggent.
Item Yd beghyfft sick dat ein Schipper vorfrachtet syn schip eynem Kopmanne/ vnd is myt em auer eyn gekamen tho einer
unbekannt:Datt högeste unde öldeste water recht. Lübeck: Jurgen Richloff, 1537, Seite 24. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_24.jpg&oldid=- (Version vom 17.8.2016)