Item. Eyn schyp lege in eyner haue tho Amsterdam effte anderswor / vnd wörde dry uende vp eyn ander schyp vnde dem schaden dede / se scholden den schaden halff vnde halff gelden.
Item. Eyn schyp kumpt in eyner hauen driuende tho Amsterdam edder anderswor dat schal eyn dobber vp syn ancker hebben / is dat nicht vnde dar schade van kumpt so schal he den halff beteren.
Item. Eyn schyp kumpt vmme den schagen effte vth Norwegen / dat schal men lössen bynnen xiiij. dagen vnde de fracht geuen. Des gelyken alle Zeeschepe.
Item. Eyn schyp kumpt van Hamborch edder van anderswor / men schal dat lössen binnen viij. dagen vnde de fracht vthgeuen.
Item. Eyn schyp dat ladet tho Schone edder anderswor / id is gefrachtet in Flanderen effte anderswor int market/ dat kumpt van noetsaken tho Amsterdam. Is dat de
unbekannt:Datt högeste unde öldeste water recht. Lübeck: Jurgen Richloff, 1537, Seite 38. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_38.jpg&oldid=- (Version vom 17.8.2016)