Ein 20jährige Person erzählt: Ze Wiwwlinge hots emool gebrennt, un dess isch sou e Faia gewest; awwa ma hot net gewisst, wers aⁿgschteckt hot. Uff aⁿmool hot e Vadda mit saim Jung Schtrait krickt; nooart hot der Vadda zu saim Suⁿ gsaat: „du Mordbrenna“. Un dea hot gsaat: „wann e dess gedauⁿ hawwe soll, doo will i auszehre wi e Riip“. Unn vunn der Schdund aⁿ isch a krank worre, unn isch gschdorwe. Unn noodat hawwe als die Lait, wuu schunn inn denne irm Haus gewuunt hawwe, die hawwe als Nachzets e Geboller unn e Gerumbel die Schdeech ruff unn nunner ghärt, wii gar nimmant mee im Haus uffgewesst isch. Unn do hot der Suⁿ noch saim Dout gääⁿ misse.
Doo sinn emool Buuwe, schdigger siwwene odder achde, vunn a Joore seschzeine, hinnere gange änn groo Brunn unn häwwe Safthols ghollt for Schallmaaje, Paife unn Habbe, unn do hawwe si ia Safthols geklopft unn debai gsunge: „Hubb, Hubb, Waide, Schlange wii di Waide, Schlange wii di Besch, dass maiⁿ Hubblain nit verbresch“. Noot häwwe si aaⁿgfange singe: „Schärle kumm, Schärle kumm!“ Uff aaⁿmool kummt do aana de Weg häa, hot kaaⁿ Füss net ghat un leeft doch. Denoot sinn awwa dii Buuwe devuuⁿ gschbrunge, was si numme gekennt häwwe. Unn sella, wuu doo kumme isch, dess is de Schärle gewesst. Unn däa hot do gääⁿ misse. Dann a hot saiⁿ aajene Lait varoode denne Schweede, wu emool zwische Laame (Leimen) unn Nussloch äm draissischjäarische Krieg sou e aarji Schlacht gmacht hewwe, unn dodeweje hewwe als di alde Lait gsaat, heesst ma hait noch sell Feld „d hart Schlacht.“
Im Kälbertsgässle bei Scherzheim, das durch die Felder quer über die Landstraße nach dem Friedhof führt, sieht man hie und da um Mitternacht einen Leichenzug. Die Träger und Begleiter der Leiche sind Mönche; ihnen voraus gehen die Messknaben. – In Scherzheim hatte das frühere Kloster Schwarzach, Amts Bühl, Besitzungen, die Mönche kamen somit
Fridrich Pfaff (Hrsg.): Alemannia XXIV. Hanstein, Bonn 1897, Seite 4. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Alemannia_XXIV_010.jpg&oldid=- (Version vom 31.7.2018)
