|
Froben Christoph von Zimmern: Zimmerische Chronik. Band I. Herausgegeben von Karl August Barack. |
|
|
nichts ausgenomen, sovil sie der erraichen mögen, zu unsern [A208a] und des hailigen reichs handen inzunemen und verner nach unserm bevelch damit zu handlen, inhalt unsers kaiserlichen brieves, darüber ausgangen. Und nachdem ir nun
demselben von Zimbern, als wir bericht werden, one mitel zugehörig und underworfen sein, gepieten wir euch bei vermeidung unser und des reichs schweren ungnad und strafe von römischer kaiserlicher macht ernstlich und vestigclich und wellen, das ir one verziehen, nachdem euch diser unser
kaiserlicher brieve geantwurt oder verkündt wurt, den genannten graven zu Werdenberg oder ir ainem insonderhait, welcher euch mit disem unserm kaiserlichen brieve ersuocht, an unser stat und von unser und des hailigen reichs wegen bei euch einlasset und gewonnliche huldigung, glipt, aid und
gehorsam thuet, als sich gepürt, und darin nit seumig erscheinet, noch euch des setzet noch wideret, dardurch nit not werde, desshalb mit hilf unser und des hailigen reichs fürsten, graven, herrn und underthonen wider euch als ungehorsamen unser kaiserlichen Majestat zu handlen und zu
gehorsam zu bringen. Daran thuet ir unser ernstliche mainung. Wir haben euch darauf von allen und igclichen gelipten und aiden, damit ir dem gemelten [263] von Zimbern verpunden gewesen seidt, genzlichen absolviert und entlediget von obbestimpter römischer kaiserlicher
machtvolkommenhait, wissendtlich, in craft diz briefs; darnacht wist euch zu richten! Geben zu Insprugg am achtundzwainzigisten tag des monats Januari, nach Christi gepurt vierzehenhundert und im achtundachtzigisten, unsers kaiserthumbs im sechsunddreißigisten jaren.«[1]
* [1246] In den werdenbergischen actis, so mir zum Hailigenberg zu sehen worden, find ich, das kaiser Friderrich denen von Werdenberg die herrschaft Mösskirch sambt andern zimbrischen güetern frei ledigclichen übergeben, iedoch haben Ir Majestat derselben die losung zu
Oberndorf vorbehalten; actum[2] Aquisgrani anno 1488 den 16 Mai. Dargegen haben die von Werdenberg dem kaiser in gemeltem jhar ain revers geben, solche güeter umb Ir Majestat zu verdienen, auch die nit trennen, verkaufen oder in
Froben Christoph von Zimmern: Zimmerische Chronik. Band I. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1881, Seite 536. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_1_536.jpg&oldid=- (Version vom 12.4.2018)
