Seite:De Zimmerische Chronik 4 219.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.



Aber die gnad gehet fürs recht.[1]
Ir müßt doch sunst haben ain knecht,
In ewerm haus erneren,

In der kuchen spülen[2] und umbher keren,
5
Dess hin ich unverdrossen.

Ir hapt mir mein herz durchschossen
Mit fraw Venus pfeil.«
      Sie sprach: »Gesell, nim dir der weil

Und leug dich nit zu tod!
10
Es ist ain klaine not,

Vill pfennig in der täschen[3].
Du sollt nit nach wilpret neschen!
Du kiffest noch wol haberstro.«

      »Ach, edle fraw, das wer ich fro,
15
[1138] Und het ich noch so bese zen,

So wellt ich nit gern gen Ach gehn,
Das ir wissen das herze mein.«
      Sie sprach: »Gesell, da wüllt im spill sein

Und kannst doch des reimens[4] nit.[5]
20
Es ist nit hie der sitt,

Das man setz dnarren über aier[6].
Ich main, trüeg ain gons[7] ain schleier,
Du welltest haben deinen thail.

Du findst hie nit fail,
25
Das du[8] bezalen magst,

Wann du singst und sagst
Biß hinacht zu vesperzeit.«
      Ich sprach[9]: »Es ist ain alt sprüchwort,

Das hab ich ihe und ie gehort:
30
»Wer wol kan übersehen,

Dem mag wol guts beschehen.« 
Ob es mich auch wellt helfen?
Mein pitten, schreien und gelfen

Ist sonst ganz verloren.
35
Wer waißt iren zoren

Mit gedult zu überwinden
Und wider gnad bei ir finden,
Do ich ine hin geleget hab.

Den rath ich mir selber gab,
40
Sprechend: »Ich kan mich nit verwundern,

So ich ain besondern
Willen und lieb trag zu euch
Und in trewen zu euch fleuh,

  1. ↑ fürs recht] vgl Graf und Dietherr, Rechtssprichwörter s. 397, nr. 603.
  2. ↑ spülen] s. Fastnachtspiele II, 786, 21.
  3. ↑ täschen] vgl. Ambraser Liederbuch CLXXVIII, 7.
  4. ↑ reimens] vgl. Ambraser Liederbuch CCXX, 14.
  5. ↑ nit] hs. mit.
  6. ↑ über aier] s. Eiselein a. a. o. s. 136.
  7. ↑ gons] trüge eine gans einen schleier, du würdest sie nicht ungerupft lassen. Bei Fischart, Gargantua, 1594, bl 259b, ist an stelle der gans die geiß gesetzt.
  8. ↑ du] hs. da.
  9. ↑ sprach] d. i. zu mir selbst, jedoch nur scheinbar.
Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 219. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_219.jpg&oldid=- (Version vom 12.4.2018)
Von „https://de.wikisource.org/w/index.php?title=Seite:De_Zimmerische_Chronik_4_219.jpg&oldid=3111827“