Seite:Harz-Berg-Kalender 1926 040.png

aus Wikisource, der freien Quellensammlung
Diese Seite wurde noch nicht korrekturgelesen. Allgemeine Hinweise dazu findest du auf dieser Seite.


un Tausend un ower Tausend mit änmol in dr Zindmasse getaucht, se trehgten ob un kame in dr Verpackung. In dar Zeit is uhm viel gehuwelt, denn es ginge z. B. noch außer an dr Eyschen Fawrik, die ju salwer viel verbrauchte, wechentlich 20–25 Millione Helser von Clastholer un Zallerfaller Barkleiten nohch Andreasbarg, an dr Deigschen Fawrik, wos ahch von dr Beherde erlaubt war. Von do sän se wull noch wätter gewannert.

     De Fawriken hatten an gansen Harz rim Gelanghät gebrocht, ä bissel zu verdiene, in dr Hauptsach warens juhngdliche Arbeiter, Junges un meh noch Mädels in Alter von 10 bes 18 Jahren, die sich an besten drzu ähngten. Es war ju net viel, denn su ä Mädel verdiente, wie mr aus dn värziger Jahren gena bekannt is, in äner Woch 8 bes 12 Gutegreschen! Tälweis war de Bescheftigung bei dan Phosphor- un Schwafeldämpen racht schädlich for dr Gesundhät un es kame denn ahch balle schtrenge Ahnweisunge for dn gansen Betrieb in dararting Fawriken. Dar schreckliche Knochenfroß (Rekrose) war do ä unhämlicher Gast un richt’te oft schwären Schoden unner dan halbwichsing Menschen ahn. Ränlichkät war de Hauptsach: heifig Waschen un Mundschpieln, immer wieder Zeigwachseln un Millichtrinken, dos wur domols als es beste gerothen, dar Krankhät, die langsam vorwarts ging un käne Schmerzen machte, vierzubeihng. Un es goh noch vielerlä Annres, wos disse kumfermierten Kinner garn taten un net su gefahrlich war: Schpanschachteln for de Schtreichhelser zu machen, wu de Mädels sich su geschickt drbei zeigten, daß se in än Tohk bes 400 Schtick fertig krehng. De Junges hatten hie käne Lust drzu, se besorgten meh es Mohlen Lackieren un Polieren dar klän helsern Büchsen, wu in dar Zeit viel Schtreihelser, Salonhelser, Wachskerzen usw. eingetan un su verkäft wuren. In dr Clastholer Fawrik wuren in dan värziger Jahren gehng 80, in dan fufziger Jahren etwa de duppelte Zohl von juhngdlichen Arbeitern bescheftigt, außerdan noch äne Ahnzohl Huwler un annre erwachsne Arbeiter.

     Es Schtreichhols hot bes for zwansig Jahren in Grußen un Gansen sei Aussahn von Frieher beibehalten. Ahch de Verpackung in dan schtruhgahlen Papier (ä Paket von 10 Bindle zu 80 bis 100 Schtick) war diesalwe gebliehm; es Binbel koste 1 Pfeng, es Paket 8 Pfeng. Wenn se in ban lange Jahren von ihre drei Zoll Läng nohch un nohch ungefahr ä Zoll ähngebießt han, is es net zu verwunnern, denn wie an Allen in dr Walt außer an Schteierzettel obgeknapst un beschnieten wärd, su warsch ahch hie dr Fall, doch is do drfier dr Preis eher runter wie raufgegange, wos wieder dar lächtern Harschtellung dorch Maschine zu verdanken is. Gleichfalls han’s de Konsementen ruhig hingenumme, wie se in dan Fawriken es Zehlen verlarnten, wenigsten kunnten se schlacht bes Hunnert zehlen, un ich wäß all aus jänner Zeit, wie mr noch mit dn karrirten Plaid nohch dr Schul ginge, daß ä Junge sich bän Kaafmann sollte de Schtreichhelser vierzehln loßen, wenn ’r ä Bindel hulen mußte. Dos tat ower käner. Von dr heiting Qualetät will ich nischt sahn. Es gitt sehr gute War, ja tälweis besser wie frieher, ower es gitt ahch Schund, heillusen Schund, daß mr liewer ä paar Pfeng meh ahnlegte, nitztes wos. Un dar Schund is doch immer es teierschte, denn zum Exempel: wenn ich schtatts än Hols zwäe oder dreie ahnrahzen muß, bes es brennt, su kost’t dos Paket deitsche Schweden, die ich hie män, schtatts sechs Pfeng all 12 oder 18 Pfeng, weil se zwä-, drei Mol rascher alle sän wie gute War – dos bedenkt mr freilich salten. Liewer billig käfen, billig un schlacht! Ich hatte mich ämol derart geargert, daß ich es ganse Schmeken aufschtecken wollte un dos Paket Schweden in Ufen schmiß, do brennten se endlich alle.

2. Die neue Mode.

     In dn sachziger Jahren, gleich zu Ahnfang, kam äne verteifelte Mod von Frankreich nohch Deitschland riwer, denn do kimmt se ju immer un heit noch har, brät’te sich bei uns aus un klanterte ahch noch in Harz nauf, wu se natierlich gleichfalls dn Fraensleiten dn Kopp verdrehte. Denn Widerschtand gitts bei su wos net un unnre holde Weiblichkät macht jede Mod unbeortelt mit: es war de Krenelin, ahch Kreolin wursche genennt, dos Marterding, dr Schrecken for alle Ehmänner, dr Quehlgäst for alle Kutscher, Post- un Bahnschaffner. Kreizbombenelement! wos koste dis Ungeheier meh an Kläderschtoff! Hatte äne Fra vorhar zahn Ehl’n Zeig zu än Rock gebraucht, su warens jetzt zwansig Ehl’n un noch meh, weil disse alten Faßräfe un Dräht, die do neingeneht wuren, un list off dn Hoff rimlohng, doch alle mußten verhillt waren. Bän Kaffeeklatsch un annern Gelahnghäten kunnten de Fraen net meh su dichte bei änanner sitzen, weil sist de Reck ausbiehng. Un weche Schwierigkät machtes, lich is, denn su wie se sich in Gedräng begohm – nohch äner Seit mußten disse schtiefen Reck ausbiehng. Un weche Schwierigkät machteswollte äne Fra in dr Kutsch schteing, oder gar es wollten zwäe un dreie drinne sitzen. Auwija!


Von „https://de.wikisource.org/w/index.php?title=Seite:Harz-Berg-Kalender_1926_040.png&oldid=3548356“