Zum 11 haben sy Junge Kinder welche One de[?]
Tauff verschiden, außgraben, die selben samp[t]
andern Teufflichen schedlichen vergifften
Kreiittern. Welche Martern Namen. alle
mit Namen[1] anzaigt, aber die selbigen von geliebten
Jugent vnd furwitzigrait, Etlicher
Leut, zu berueffen vmbgangen, solche ma[t]ern
zu salben gemacht, damit hilff Jres gesponst
Volgenden Personen, vnd Vich damit
geschediget, vnd verletzt vnd vmbbracht.
Zum 12. bekent, das sy Jrem Brued(er) Lienhart
wurtzen vonn Qurbach auß Mend[2] vnd v[?]
deß willen, daß Jr daß Vätterlich Erb. Jn
Jrem vermainen, noch zum thail vnbillich
Vorgefalten[3], vmb der vrsach willen
mit forgemelten, zaubereischen.
Marterin erlämbt, vnd zum Todt Bracht.
Jme auch etlich Rinder[4] Vich verletzt.
Zum 13 hab sy den Bertelin Wagner von
Welden, vor 15 Jaren mit 2 Roß Vmbbracht
Zum 14. hab sy dem alten Clestadt Vngeuerlich
vor 12 Jaren ein Kue vmbracht [vmbbracht].
Jtem sy hab auch ainem armen Dienst Kn[?]
so bei hausen[5] Pauren Jrem schwester man
gedient, welchen sy vff ein zeit Jm pedt geschlagen
mit vorgemelter marterin,
Jmn Wellem vergriffen, aber also vnschediget
von Jr komen,
Geständnisse der 1564 in Welden als Hexen verbrannten Magdalena Schmidin und Anna Beglerin. In: Sammelhandschrift Cod. Pal. germ. 331 der UB Heidelberg, Blatt 153v. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hexengest%C3%A4ndnisse_1564_Blatt_153v.jpg&oldid=- (Version vom 29.9.2016)
