Tom sösten schal sick ock en yder wol vorsehen mit weme he handel, wandel un kopenschap drive up dat he sick dar dorch nicht in schaden un nadeel vöre, un E. E. Raht moye un beweer make.
Tom sevenden, dewyl allerley unflaht int fleth geworpen un gefegt wert, daer man dat sülvige jo billig als een edel un kostlyk klenoot disser Stadt scholde in eeren holden, so gebühd E. E. Rahd dat een yder sick des henforder entholde, wol darjegen dohn wert, schal in jeböhrlyke strafe genamen werden.
Tom achten gebüht un wil ock E. E. Raht dat en yder up de wacht un to walle ga wenneer eme wert togesecht by strafe der pandung un wol up de wacht bescheden schal nüchtern dahen kamen, un men schal sick up de wacht des drinkens gantz und gar entholden un so jemand dar wurde kamen un drunken syn de sulvige schal afgewiesen un op syn unkost een andern genamen werden, schall darto dem Rade in bröke verfallen syn.
Tom negenden gebüht E. E. Raht un wil ock ernstlyk geholden hebhen dat nemant by nacht edder dage der Stadt feste bestiege wol daröver befunden schal am live bestrafet werden. Idt schal sick ock nemandt na dem toslutende un vor dem upslutende der dahre aver de Swinge setten edder setten laten, by des Rahdes swere straf.
Tom teinden schal sick eck en yeder sonderlings by nachtlyker tyt entholden alle[1] kryschende, juchende unde klinkebylens upr strate, desglyken ock des schetendes mit rören edder büssen, wol daröver begrepen wert schal in geböhrlicke strafe genamen werden.
Tom elften schal ock nemandt waschen in der Stadgraven; wol aber waschen wil, schal sodanes in der treppen un in andern gewöhnliken örden des fletenden waters dohn, by des Rahdes strafe.
Tom twölften gebüht un wil E. E. Rahd, dat en yder syn rüstinge un wehr verdig holhe, dat he dat sulvige könne unn möge gebruken, wenn idt wert nötig syn.
Friedrich Köster: Alterthümer, Geschichten und Sagen der Herzogthümer Bremen und Verden. Stade: In Commision bei A. Pockwitz, 1856, Seite 196. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:K%C3%B6ster_Alterth%C3%BCmer_196.png&oldid=- (Version vom 1.8.2018)
