Seite:Kurze Darstellung des Ablaßwesens, wie es noch jetzt im katholischen Franken im Gange ist.pdf/37

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Beyl. 2.
BREVE APOSTOLICVM
Quo
Sanctissimus Dominus noster
BENEDICTVS PAPA XIII.
Fraternitati S. Kiliani Parochorum, et Sacerdotum dioecesis Herbipolensis plures indulgentias perpetuas benigne concessit.
BENEDICTVS PP. XIII.
Ad perpetuam rei memoriam.


Cum, sicut accepimus, in Ecclesia duodecim Apostolorum seminarii Sancti Chiliani civitatis Herbipolensis una pia, et devota Christi fidelium Parochorum, aliorumque Sacerdotum tantum Confraternitas, seu Congregatio sub invocatione eiusdem S. Chiliani canonice erecta, seu erigenda existat, cuius Confratres quam plurima pietatis et charitatis opera exercere consueverunt, seu intendunt: Nos, ut Confraternitas seu Congregatio hujusmodi maiora indies suscipiat incrementa, de Omnipotentis Dei misericordia, ac Beatorum Petri et Pauli Apostolorum eius auctoritate confisi, omnibus Christi fidelibus Parochis, aliisque Sacerdotibus tantum, qui dictam confraternitatem seu Congregationem imposterum ingredientur die primo eorum ingressus, si vere poenitentes, et Confessi Sanctissimum Eucharistae Sacramentum