Seite:Kurze Darstellung des Ablaßwesens, wie es noch jetzt im katholischen Franken im Gange ist.pdf/38

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

sumpserint, plenariam: Ac tam descriptis, quam pro tempore describendis in dicta Confraternitate, seu congregatione Confratribus, in cuiuslibet eorum mortis articulo, si vere quoque poenitentes, et Confessi, ac sacra Communione refecti, vel, quatenus id facere nequiverint, saltem contriti Nomen IESV ore, si potuerint, sin minus corde devote invocaverint, etiam plenariam: nec non eisdem nunc, et pro tempore existentibus dictae Confraternitatis seu Congregationis Confratribus vere etiam peonitentibus, et Confessis, a sacra Communione refectis, qui praedicta Confraternitatis, seu Congregationis Ecclesiam, seu Capellam vel Oratorium die Festo eiusdem S. Chiliani a primis Vesperis usque ad occasum Solis dies huiusmodi singulis annis devote visitaverint, et ibi pro Christianorum Principum concordia, haeresum extirpatione, ac Sanctae Matris Ecclesiae exaltatione pias ad DEVM preces effuderint, plenariam similiter omnium peccatorum suorum indulgentiam et remissionem misericorditer in Domino concedimus. Insuper dictis Confratribus vere pariter poenitentibus, et Confessis, ac sacra Communione refectis Ecclesiam, seu Capellam, vel Oratorium huiusmodi in quatuor aliis anni feriatis vel non feriatis, seu Dominicis diebus per memoratos Confratres semel tantum etiam eligendis, et ab eodem Ordinario approbandis, vt supra visitantibus, et ibidem orantibus, quo die praedictorum id egerint, septem annos, et totidem quadragenas: Quoties vero Missis, et aliis Divinis Officiis in Ecclesia sive Capella vel Oratorio huiusmodi pro