Seite:Literarischer Verein Stuttgart IX 093.png

	Verschiedene: Bibliothek des Literarischen Vereins in Stuttgart (Band IX)

39.

Vvan getrv͛wet frv͛nde niht.^[1]

wan^[2] tv̊n ich dc mir liebet dc mir leiden solte
min dienst spot erworben hat.
vnd anders niht obe ich ez gelǒben wolte.
ich wen. ich ez nv gelǒben mv̊z.
des wirt och niemer leides mir vnz an min ende bv̊z.
sit si mich hazzet. die ich von herzen minne
mir enkvnde ez nieman gesagen.
nv bin ich ez vil vnsanfte worden innen.

40

Daz si mich alse vnwerden habe.(H. 1, 181^b)

alse si mir vor gebaret dc glǒbe ich niemer.
si enlaz ein teil ir zornes abe.
wan endeclich ir gnaden beite ich iemer.
von ir mag ich noch ensol.
so sich gnv^ege ir liebes frv͛nt. sos^[3] mir mit leide wol.
vnd enkan ich anders niht an ir gewinnen.
ê dc ich ane ir hvlde si.
ich wil ir gv^ete vnd ir geberde minnen.

41.

Mac si mich doch lazen sehen.

obe ich ir were liep. obe si mich haben wolte
sit mir niht anders mac geschehen.
so tv gelich deme als ez doch wesen solte
vnd lege mich ir nahe bi.
vnd biet es eine wile als ez von herzen si.
gevalle ez danne vns beiden so si stete.
verliese aber ich ir hvde^[4] da.
so si verborgen^[5] also obe si ez nie getete.

42.

Redi der lv͛te tv̊t mir we

dc si zwiveln miner frowen vnd vragent welcher tage si si.
dvr dc ich ir so lange bin gewest mit trvwen bi.
och iehent si solt ich ez niemer geniezen.
wan dc ich von ir swerre habe.
ez mohte mich von schvlden wol erdriezen.^[6]

1. So, lies Wâ nû getriuwer friundes rât.
2. Lies waz.
3. Lies sost.
4. So, lies hvlde.
5. Lies verborn.
6. Diese Strophe ist hier sehr verderbt.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 93. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_093.png&oldid=- (Version vom 7.1.2019)