Seite:Literarischer Verein Stuttgart IX 099.png

	Verschiedene: Bibliothek des Literarischen Vereins in Stuttgart (Band IX)

der mir iedoch so nivwer ist.
den si mir gab do si mir vroide nan.
we ich vil tvmber.

60.

Vvil div vil gv̊te dc ich iemer singe

wol nach vroiden mac si mich danne leren
also dc si mir mine not. gerinde.^[1]
an ir helfe trivwe ich niemer si verkeren.
mac si sprechen eht mit trv͛wen. ia
als^[2] ê. sprach nein so wirt min wille da
dc ich singe vro mit hohem mv̊te.
da bi so ist div sorge min.
dc man zelange beitet. dc kvmet niht wol zegv̊te.

61.

Ich bin niht tvmp mit also wisem willen(H. 1, 193^a)

dc ich so reine noch so stete minne.
wan dc si sint vil lihte zestillen.
dien da liep ane leit geschiht. als ich ez sinne.
so verlvz ich niemer vroiden vil.
sit dv gv̊te mich niht sampfte stillen wil.
sol min dienest also sin verswnden.
so sin doch geret ellv͛ wip.
sit dc mich einiv mit gedanken vrevt an manegen stvnden.

62.

     Vvie tv̊t div vil reine gv̊te so§     (H. 1, 193^a)

si lat mich also verderben alsvs gar. (so)
ich bin aller ir werdecheit vro.
so nimet siez enteil zecleine war
nv wand ich geniezen aller miner tage.
dar vmbe ich ir lop vnd ere sage
si ist vil gv̊t. dc ich iemer sprechen sol.
tv̊t si eht eines sv lone ir lieben vnd ir frivnden wol. ◒◒◒◒◒

63.

Lieber wan ist ane tro^esten da.

vnd twinget mir dc herze min.
wan were er von mir anderswa.

1. So, lies geringe.
2. Lies als’s.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 99. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_099.png&oldid=- (Version vom 7.1.2019)