mer vmbe ere sol ein man
gesorgen danne vmbe ander gv̊t.
vnd des besten vlizen sich
vragin ieman wer ime dc geraten habe so nenne er mich.
tv mir so
dc min herze hohe ste.
obe ich ie dvr dinen lip
wurde fro
dc des iht an dir zerge.
ich waz ie der dienest din.
so bist dvz div froide min.
sol ich iemer lieben tac oder die naht gesehen
dc laz frowe an dir geschehen.
dc ich iemer si
dines heiles vro.
dv solt lazen einen sitte
da lit wandel bi.
we wie tv̊st dv so.
dc dv als vngnedic bist.
ia erkennest dv vil wol dc dir nieman holder ist.
troeste mir den lip
ia verdten[1] ich ez wol.
mvge ez vor liebe niht gesin
so soltv selic wip
dvr ein wunder doln
ê. ich din abe geste.
ia enist inder welte so gv̊tes niht ich enversprechez ê.[2] ◒◒◒◒◒
noch baz. danne ieman inder welte. fraget nisteln vnd neven
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 104. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_104.png&oldid=- (Version vom 7.1.2019)