Seite:Literarischer Verein Stuttgart IX 115.png

	Verschiedene: Bibliothek des Literarischen Vereins in Stuttgart (Band IX)

29.

Mit valscheloser gv̊te liep.^[1](L. S. 72.)

ein man der mir wol iemer mac.
gebieten swc er wil.
sin stete mir^[2] froide gebt.
wan ich sin vil schone phfac. (so)
de kv͛met von grozer liebe vil.
mir ist an ime (Bl. 7^a) des mv̊z ich iehen.
ein schones wibes heil geschehen.
div selde div wirt vns beiden schin.
sin tv͛gent hat ime die besten stat.
erworben in deme herzen min.

30.

Die mine vreide hat ein wip

gemachet stete vnd endelos.
von schvlden al die wile ich lebe
gnade sv̊ch ich an ir lip.
enphahe ich wunneclichen trost.
der mac wol heizen frv͛ndes gebe.
ein mannes heil mir da geschac.
da si mit rehten trv͛wen sprach
ich mvze ir herzen nahe sin.
nv endarf nieman wunder nemen
obe ane sorge lebet dc herzen mich. (so)

31.

     Frivntlichen lac§     (H. 1, 228^a; L. S. 88.)

ein riter vil gemeit
an einer frowen arme
er kos den morgen lieht.
do er in dvr die wolken
so verre schinen sach
div frowe in leide sprach.
Owe geschehe dir tac
dc dv mich last bi liebe
langer bliben niet.

1. So die Hs., lies lebt.
2. Fehlt mit.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 115. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_115.png&oldid=- (Version vom 7.1.2019)