Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
dc si da heizent minne
dc niewan senede leit.
32.
Frv͛ndinne mindv solt din trv͛ren lan
ich wil mich von dir scheiden
dc ist vns beiden gv̊t.
ez hat der morgensterne
gemachet hinne lieht.
min frv͛nt nv tv des niht.
la die rede sin.
dc dv mir iht so sere
beswerest minen mv̊t.
war gahest also balde
ez ist niht wol getan.
33.
Frowe nv (so)ich wil beliben baz.
nv rede in kvrzen ziten
alles dv wilt. (so)
dc wir vnser hv̊te
trigen aber als ê.
min frv͛nt dc tv̊t mir we.
e ich dir aber bi
gelige miner swere
der ist leider al zevil.
nv mit mich niht zelange
vil liep ist mir daz.
34.
Daz mv̊z also geschehen(L. S. 89.)dc ich ez niene mac.
sol ich dich frowe miden
eines tages lanc.
io enkvmet min herze
doch niemir von dir
min frv͛nt nv volge mir.
dv solt mich schiere sehen.
obe dv mir sist mit trvwen
svnder wanc.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 116. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_116.png&oldid=- (Version vom 7.1.2019)
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 116. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_116.png&oldid=- (Version vom 7.1.2019)
