Seite:Literarischer Verein Stuttgart IX 146.png

	Verschiedene: Bibliothek des Literarischen Vereins in Stuttgart (Band IX)

kvnd ich baz gedenken din
des het ich willeclichen mv̊t.
waz mach ich nv sagen mê
wan dc dir nieman holder ist owe davon ist mir vil we.

122.

Si verwizent mir dc ich

nider wende minen sanc.
dc si niht versinnent sich
wc liebe si des haben vndanc.
siv getraf div liebe nie
die da nach dem gv̊te vnd nach der sene^[1] minnent we wie minnent die.

123.

Bi der schone ist dicke haz(H. 1, 242^b; L. S. 50.)

zv̊ der schone niemen si zegach.
liep tv̊t dem herzen baz
der liebe get dv͛ schone nach.
liebe machet schoner wip
des mac dv͛ schone niht getv̊n. sine gemachet lieben lip.

124.

Ich vertrage als ich vertrv̊c.

vnd als ich zeiner wile vertrage. (so)
dv bist schone vnd hast gnv̊c.
wc mv̊gen si mir da von gesagen
swc si sagen ich bin dir holt.
vnd nim din glesin vingerlin vur einer kvneginne golt.

125.

Hast dv triwe vnd stetecheit

so bin ich din ane angest gar.
dc mir iemen^[2] herzeleit
mit dinem willen widervar.
hast aber dv der zweier niht.
so mv̊zest dv min niemer werden owe ob daz geschiht.

126.

     Hv͛te gebe ir got vil gv̊ten tac.§     (H. 1, 88^a)

der ich anders niht gegrv̊zen mac.
also sprich ich iemer

1. Lies schœne.
2. Lies iemer.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 146. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_146.png&oldid=- (Version vom 7.1.2019)