Seite:Literarischer Verein Stuttgart IX 177.png

	Verschiedene: Bibliothek des Literarischen Vereins in Stuttgart (Band IX)

mich dvnket des dc nieman in der welte baz geschehe.
mir mohte an ir ze vreideclichen vroiden alse wol geschehen.
solt ich der wunneclichen trost mit liebem ende mir zeheile noch gesehen.

65.

     Selde riche selic wip§     (H. 1, 295^b)

wie dv lerest herze liebe wider leben.
selde. vreide. herze lip^[1]
hat ich eimem^[2] wibe in ir gewalt gegeben
bin ich da besweret. we wie sol ich dc gesagen
da wil ich ez alrest got vnd dar nach alder welte clagen.

66.

Minneclich gebaren wil

mich verderben dc ich an der gv̊ten sach.
dc ir schone ie wart so vil.
daz hat mir gemachet swere vnd vngemach.
doch hat mich behabit an liͤbeme wane noch der wan
dc nieman groz liep enmac an vnder wilent leit gehan.

67.

Sv̊zer vreide ich waz gewent.

wol mich der mich also svͤze wider wene.
des mv̊t werde als vnvirsent
alse sere sich dvr not der mine^[3]
vroͤlich lachen. vnd gv̊tlich sprechen mv̊z mir geben
trost der trœste vnd och^[4] enzit. wan anders mv̊z ich senede leben.

68.

Alder welte nieman kan

so gebaren dc si alle dvnke gv̊t.
dvr waz neme ich mich des an
dc nieman getet noch niemer me getv̊t
ich^[5] inder maze des mich dvhte wol gevarn
mohte ich zv̊ der meiste^[6] menege miner vůge nihoch^[7] gescharn.

69.

Waz sol singen oder sagen.

alder iht dc hohem mv̊te wol gezimpt.
ich solde anders mich beiagen.

1. Aus liep gebessert.
2. So.
3. Fehlt sene.
4. So, lies trœste mich.
5. wære fehlt.
6. Lies meisten.
7. Lies mich.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 177. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_177.png&oldid=- (Version vom 7.1.2019)