sone geschiht mir niemer niht wan gv̊tes.
ich weiz si die gv̊ten also hohgemv̊t.
dc[1] och mich gemachet hohes mv̊tes.
des wil ich vil zwivelliche dingen.
sist so selic dc mir niemer kvnd an ir zeselden misselingen.
dc er hinnenvur sich sanges maze.
ez ist billich dc ich in vurwesen sol.
vnd er sich an minen diͤnest lazze.
ich wil vur in dienen frowen.
habe er dc er heime habe. vnd laz vns ivngen aventvre schowen.
dv mv̊st dinen (Bl. 19a) vater lazen singen.
er wil sine hovescheit vuren in sin grap.
des mv̊st dv dich mit virlornen dingen. (so)
er wil selbe dienen siner frowen.
dv bist ein viereggot gebvr des mv̊st dv hozze[3] an eime reine hǒwen.
der han ich da har gephlegen.
die verstet man mirzvngv̊te
nv wil ich mir[4] ir bewegen.
ich wil vri von hinnen sin.
swez ich si[5] der och min
sit mich gv̊te nien enfrvmpt.
waz obe mir vngv̊te baz zegv̊te kvmpt.
von der werden sol gedagen.
dv͛ mich dvhten ie gebere.
dc mv̊z ich doch iemer clagen.
nv waz clage ich sit si mir
niht engan ioch gvnd ich ir.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 181. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_181.png&oldid=- (Version vom 7.1.2019)