Seite:Literarischer Verein Stuttgart IX 186.png

	Verschiedene: Bibliothek des Literarischen Vereins in Stuttgart (Band IX)

dc ich niht leige^[1] in leides drv
ine han den aker noch den bv.
min sleht ist alles worden rv
des mv̊z ich liden spottes hv.

106.

     Waz hilfet ane sinne kvnst§     (H. 2, 193^b)

wc hilfet wol gehoͤren. der da zv̊ niht hat vernvst.^[2]
waz helfen schonv͛ ǒgen. den der dc weger niemer kan ersehen.
wc hilfet richeit ane rat.
wc hilfet vil geheizen ders niht mv̊t zetv̊nne hat.
waz hilfet mannes schone. von dem doch niemer ere kan geschehen.
waz hilfet sterchi. der si niht versv̊chet.
waz hilfet dienest da man sin niht rv̊chet.
waz hilfet och gebeitiv minne
dv͛ niender vonme herzen kvmpt
noch minner zallen selde^[3] vrvmpt.
des mannes leben der valsch ist vz vnd inne.

107.

Vns ist wol von meren worden kvnt(H. 2, 197^a)

wie alexander fv̊r dvr wunder an des mers grvnt
vnd von abacvc der inbiz wart ze babylone braht
waz herzog ernest not erleit.
waz er vnde grave wezzel der snebelen diet versneit.
vnd wie si griffen mvrden. da ir ze wůre^[4] ir kinden waz gedaht.
vnd wie dvr den berc her wider kamen.
da si der crone weisen inne namen
dc waren wunderlichv͛ wunder
doch dvnket ez mich wunders niht
gegen dem dc tegelich geschiht.
nv merkent wa. da denkent obe vnd vnder.

108.

Ich wise an wiser lv͛te rat.(H. 2, 215^a)

daz man den habe vnd niht an den der ratis niene hat.
kan mir der geraten. des rat gein werden tv͛genden nie geschein
est bezzer bilde an dem (Bl. 20^a) genomen
der beide an selden an eren vnd an gv̊te ist vollekomen.

1. L. læge.
2. L. vernvnst.
3. L. selden.
4. L. vuore.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 186. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_186.png&oldid=- (Version vom 7.1.2019)