Seite:Literarischer Verein Stuttgart IX 187.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

swer nach den bilden keret. der stozzet sich vil lihte an herten stein.
swer blinden volget der ist wol erblendet.
waz wunders ist obe den sin blintheit schendet
dar vmbe rat ich swer sich vliezet[1]
gegen gotte vnd gegen der welte zvht.
swer hat zv̊ den sins ratens vlvht
ich wene er[2] zeime ende ane itewiz.

109.
     Swer sich des stetez vrivndes dvr vbermv̊t beheret.(H. 1, 266a)

vnd er den sinen dvr des vremeden ere vneret.
der mohte ersehen wurde er von sinem hohern och geseret.
dc dv͛ gehalsen vru͛ntschaft sich vil lihte entrande
swenne er sich liebes[3] vnd gv̊tes solde vmbe in bewegen.
ich han . . .[4] die der wenke hant gepflegen
dc si der kvmber wider vf die erbornen vru͛nt gewande
dc sol von gotes lehen dicke noch geschehen.
och horte ich ie mit volge des dv͛ lv͛te iehen.
gewisser vru͛nt versvhte swert sol man ze not ersehen.[5] ◒◒◒◒◒

110.
* Ich[WS 1] wil niht me den ovgen volgen noch den sinnen(H. 1, 266b)

dv͛ rietin mir an zwei daz ich dv͛ solde minnen.
div waren ane valsch geworht beidv͛ vzzen vnd och innen
da wart ein wenec in geleit. dc waz niht stete
des uielten sich ir egge[6] do si solten han gesniten.
vnd were eht niht wan daz alleine drinne vermitten
so weren si allenthalben alse ganiz an ir geteti (so)
dc sich ein iecslicher (so) mohte lazen dran
owe dc ich der trvge ie kvnde an in genan
wie vbel ich mich des schaden[7] vnd in des lasters gan.

111.
     * Der gv̊te win wirt selten gv̊t. wan[8] dem gv̊ten vazze§     (H. 3, 326b)

wirt dc bereitet zerehte so habez den win.
dar vmbe wunder nieman ob ich an dem kvnege hazze

  1. ↑ L. vlize.
  2. ↑ kume fehlt. – Die Strophen 106–108 stehen in der Pariser Hs. unter den Sprüchen Reimar’s von Zweter.
  3. ↑ Lies libes.
  4. ↑ In der Hs. leerer Platz.
  5. ↑ Diese Strophe ist von Walther v. d. Vogelweide. Lachm. S. 31.
  6. ↑ So.
  7. ↑ Fehlt schame: Lachmann.
  8. ↑ Fehlt in.

Anmerkungen (Wikisource)

  1. ↑ Vorlage: Jch.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 187. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_187.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_187.png&oldid=3471476“