Seite:Literarischer Verein Stuttgart IX 188.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

hat er ein herze alsi da sagent sol dc niht werden schin.
ime sint die treffe[1] also vertriben er welle rezer sin.
so ist vaz vnd tranc. ein wiht
gv̊t win mac ie so lange ligen dc man in seiger siht.

112.
* Ez nam ein wittiwe einen man.     hie vor in alten ziten.

do kam vil ritter vnd frowe[2] dvr ir liͤbe dar.
alse do der brǒtegome kan.     des wart ein michel striten.
wie si der brv͛te bvnden. des zerwurfen si sich gar.
zeivngest bant si ir selber dc ir niht dar an enwar.
her kv͛nig nv sit gemant.
dc ir kein gebende zam wan dc si ir selber bant.

113.
* Der kvnic behielte kv͛neges namen dern in behalten hieze.

vnd lebte och swie si in hiezen leben     die in hant in ir pflit.[3]
nv ist billich dc er des gein rehten lv͛ten wol genieze.
wan sol ime schvlde vnd ere geben.     dar mans dran gesiht.
werd aber er sin selbes man so lone in anders niht.
wan alse ir rat nv si.
vnd swer in selden rovbe den mache er den eren vri

114.
* Si iehent dc boͤser kom ie nach dc hat sich nv verkeret.

wan vindet nv dc man nie vant     hie vor bi karlen zite.[4]
sich hant des halp der lande reht zehove wol gemeret.
ez waz ê slæht alsam ein hant     nv sint drvnder michel strite.
swa man dem vngetrv͛wen man die tru͛we wider git.
da ist dc gerihte gv̊t.
wan einem man kan niht geschaden swer fvr[WS 1] gv̊t hat swaz er tv̊t.

115.
* Da hin da her wart nie so wert. in allen tv͛schen landen.(H. 3, 327b)

swer nv da hin da her niht kan.     der ist an dem spil betrogen.
kvnige waren die niht da her da har bekanden
nv sit si den[5] list wol (Bl. 20b) komen an inthvͤrs[6] vmben bogen
ez heten hie bevor die grozen vursten niht gelogen
dvr lv͛te noch dvr lant.
nv ist in meistic allen wol da hin da her bekant.

  1. ↑ Lies reife.
  2. ↑ Lies frowen.
  3. ↑ Lies pfliht.
  4. ↑ Lies Karles zit.
  5. ↑ Lies der.
  6. ↑ So die Hs.; intwerhes: Lachmann.

Anmerkungen (Wikisource)

  1. ↑ Vorlage: svr.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 188. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_188.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_188.png&oldid=3472603“