Seite:Literarischer Verein Stuttgart IX 200.png

	Verschiedene: Bibliothek des Literarischen Vereins in Stuttgart (Band IX)

Leider sine minnent alle niht alse ich§
die da wibes minne vlizent sich
des sol min vrowe lan geniezen mich.

(J)one bin ich niht der valscher minne gert.
valscher wil ich niemer werden wert
des han ich wol behalten drizit vret. (so)

Div sv̊ze min vnd dv͛ vil reine
die ich doch so herceclichen inim^[1] meine
ir wirb ich ander niht ein cleine
so vurhte ich dc al min sanc verzage.

Swie min^[2] min selic frowe gvnde
daz ich ab ir rose rotem mvnde
ir sv̊zen grv̊z irwerben kvnde
so verdvrbe gar al mins herzen clage.
Swie ich ir minne niht beiage
so wizzet dc ich allen froiden widersage.

1.

     Nv iarlanc stet vil hohe min mv̊t(H. 2, 172^b)

ich horte den sv̊zen sanc.
von einer swalwen da si vlovch
ir stimme dv͛ waz gv̊t.
vro maget het ich vch in eime holz.
dc neme ich vur den cranz
den ir zesemene hant gelesen
von meneger hande blv̊t.
knappe lat vwer wunschen stan.
dv͛ rede ist gar verlorn.
solde ich mit vch zeholze gan.
mich steche lihte ein dorn
so slvge mich dv͛ mv̊ter min dc were mir lihte zorn.

2.

Er nam si bi der wizen hant

er vurte si in den walt

1. So, das Wort ist zu tilgen.
2. So, lies mir.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 200. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_200.png&oldid=- (Version vom 7.1.2019)