Seite:Literarischer Verein Stuttgart IX 204.png

	Verschiedene: Bibliothek des Literarischen Vereins in Stuttgart (Band IX)

so des niht mere mac geschen.
ich mv̊z ir ane mir vor in allen gewaltes iehen.

15.

     Hat ieman leit alse ich ez han.§     (H. 1, 299^a)

nein ist ez alse ich mich versinne
sagit an weist^[1] vwer leit getan.
seht da verderbet mich dv͛ minne
wie mac vch verderben dc nieman gesach
gedanke vuͤgen wol gemach vnd vngemach
ist ime danne also
ia ich wurde lihte noch von herze lieben meren vro.

16.

Der kan ir selchv͛ mere sagen

dv͛ ir welt haben vur gv̊te mere.
dc kan dv͛ mir nie half getragen
min leit wan sie^[2] verbere
wer hat mich betwungen vf die selben not
der lieben gv̊te ir schone vnd och ir mvnt so rot.
waz kan mich dc vervahen
leider lihte niemer niht so han ich doch den lieben wan.

17.

Ir mv̊git wol wennen^[3] swez ir welt(H. 1, 299^b)

in trost mich niht des ich vervahe
min wan ist noch niht vz gezelt
darzv̊ get mir min liep zenahe.
ez verret lihte est hv͛re verrer danne vert
wie we- (Bl. 23^a) re ich danne an liebe liebes so gewert
also och vil meneger ê.
nein den waz nach herzeliebe niht so herzecliche we.

18.

Ist halbes war dc ir da clagit

sost vwer vngemach niht cleine.
ez ist alse ich vch han gesaget
ir sit ez die ich von herzen meine.
dar vmbe entv̊n ich niht wan alse ich tete doch.
waz obe ir vch baz bedenkent noch.

1. So, lies wiest.
2. Fehlt daz ichz.
3. Lies wænen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 204. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_204.png&oldid=- (Version vom 7.1.2019)