Seite:Literarischer Verein Stuttgart IX 235.png

	Verschiedene: Bibliothek des Literarischen Vereins in Stuttgart (Band IX)

dvr dc lant der stegereif.
dc ich zebvwe niht engreif
do mir begonde entspringen
von alrest min bart
des mv̊z ich nv mit arbeiten ringen.

20.

Weistv wie der igel sprach

vil gv̊t ist gv̊t ist^[1] eigen gemach.
zimber ein hvs kerlinc.
dar inne schaffe (Bl. 28^a) dinv͛ dinc.
die herren sint er arget
swer daheime niht enhat
wie maneger gv̊ter dinge der darbet.

21.

Swie dc wetter tv̊(H. 2, 375^a)

der gast sol wesen vro.^[2]
der wirt hat inkenen^[3] vůz.
vil dicke so der gast mv̊z
die herberge rv̊men.
swer in dem alter welle wesen
wirt. der sol sich in der ivgent sich^[4] svmen.

22.

Ez wc ein wolfgrawe.

vnd ein man alwere.
die lv͛te wolten slafen
er lie den wolf zen schafen.
do bigiͤnc er in der stige.
dc man in des morgens hienc
vnd iemer mere sin kvnne ane schriet.

23.

Ein wolf vnd ein wizzic man.

satzen schahzabel an.
si wurden spilnde vmbe gv̊t
der wolf begonde sinen mv̊t.
nach sinem vater wenden.
do kom ein wider dar gegan
do gab ir beidv͛ roch vmbe einen venden.

1. So die Hs.
2. Lies vruo.
3. So die Hs.
4. So, lies niht.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 235. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_235.png&oldid=- (Version vom 7.1.2019)