Seite:Literarischer Verein Stuttgart IX 243.png

	Verschiedene: Bibliothek des Literarischen Vereins in Stuttgart (Band IX)

wir^[1] ir einez drvnder vul.
er^[2] bringet vns dc ander zeleide.

48.

Swel man ein gv̊t wip^[3]

vnd zeiner ander gat
der bezeichent dc swin
wie mohte ez iemer sin
ez lat den lv͛tern brvnnen
vnd leit sich in den trvben phvl.
den sitte hat vil menic man gewunnen.

49.

Ein man sol haben ere.

vnd sol iedoch der sele
vnder wilen wesen gv̊t.
dc in dehein sin vbermv̊t
verleite niht zeverre
swen er vrlobes ger
dc ez in an dem wege niht enwerre.

50.

Korn sate ein bvman.(H. 2, 377^a)

do enwolte ez niht vf gan.
ime erzornte daz
ein ander iar er sich vermaz
dc erz ein egerde liez
er solde ez ime gv̊tliche geben.
der dem andern vmbe sinen dienest iht gehieze.

51.

Crist sich zemarterenne gab

er lie sich legen in ein grap.
dc tet er dvr die goteheit
da mitte loste er die cristenheit
von der heizen heizen helle (so)
er getv̊t ez niemer mer
dar an gedenke swer so der welle.

52.

An dem osterlichem tage

do stvnt sich crist vz dem grabe

1. Lies wirt.
2. So, lies ez.
3. Fehlt hat.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 243. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_243.png&oldid=- (Version vom 7.1.2019)