Seite:Literarischer Verein Stuttgart IX 252.png

	Verschiedene: Bibliothek des Literarischen Vereins in Stuttgart (Band IX)

XVI.

HARTMAN. VON. OVVE. ◒◒◒◒◒◒◒◒◒^{[WS 1]}

---

1.

     Mir^[1] hattenbotten frowe gv̊t.(H. 1, 238^b; Haupt S. 16.)

sinen dienest der dir ez wol gan.
ein ritter der vil gerne tv̊t.
dc beste dc sin herze kan.
der wil dvr dinen willen disen svmer sin.
vil hohes mv̊tes verre vf die gnade din
dc solt dv minneclich enphan dc ich mit gv̊ten meren var
so bin ich willekomen dar.

2.

Dv solt ime botte minen dienst sagen.(Haupt S. 17.)

swaz ime zeliebe mv̊ge geschehen.
dc mohte nieman baz behagen
der in so selden habe gesehen.
vnd bitte in dc er wende sinen stolzen lip
da man ime lone ich bin ein vil vremedez wip
zenpfahenne svsgetane rede swer er vch anders gert
dc tv̊n ich wan des ist er wert.

3.

Min erste rede die si ie vernam(H. 1, 239^a)

die enphienc si des mich dvhte gv̊t.
biz si mich nahen zir gewan
zehant bestv̊nt si ein ander mv̊t

1. Lies Dir.

Anmerkungen (Wikisource)

1. Nach Cod. pal. germ. 357 hinzugefügt.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 252. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_252.png&oldid=- (Version vom 7.1.2019)