vnd lie dc wite mere komen.
min herze hette ich ir gegeben
vnd han dc nv von ir genomen
swer tvnben antheiz trage
der laz inder[2] tage
ê in der strit
berǒbe der iare gar
alse si mich hat getan
ir si der criek verlan
von dirre zit
so wil ich dienen anders war.
der ich manic iar gedienet han.
so mv̊ze mich doch got gewern.
dc ez der lieben mv̊ze er gan
nach eren vnd wol
sit ich mich rechen sol
deswar dc si.
vnd doch niht anders wan also
dc ich ir heiles gan
baz danne ein ander man.
vnd bin da bi
ir leide gran ir liebes vro.
dv͛ ich an si gewendet han.
hat mich ir minnen lon verborin
doch trostet mich ein lieber wan
ich engerte nihtes me
wan mv̊z ich ir alse
zefrowen iehen
manic man der nimpt sin ende also
dc ime niemer liep geschiht
wan dc er sich versiht
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 254. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_254.png&oldid=- (Version vom 7.1.2019)