Seite:Literarischer Verein Stuttgart IX 289.png

	Verschiedene: Bibliothek des Literarischen Vereins in Stuttgart (Band IX)

ez nahet deme tage
swa etc.^{[WS 1]}

15.

Div schone frowe kan gegan

da si den selben ritter vant.
er wande si zv̊ sich gevan
in dvhte er wer alda. vol ant
bindes hv̊b sich ein dôz.
daz si sich mv̊sten scheiden
des wart ir beider leit vil groz.
ez nahet dem tage etc.^{[WS 2]}

16.

Si waren beide enzvndet gar

der ritter vnd dv͛ frowe her.
des nam dv͛ minne gv̊te war
si enliez si langer beiten mer.
si schv̊f vil schiere also
dc si aber zein ander kamen
vnd wurder (so) wol nach leide vro.
ez nahet dem tage etc.^{[WS 2]}

17.

Do alle ir wille wol ergienc.(H. 2, 166^a)

mit lieben werken da zestv̊nt.
die frowen er zesich gevienc
er kvstes an ir sv̊zen mvnt.
er swůr vil tv͛re hie
ime wurde nie so liebe
sit daz in got zerwelte lie
ez nahet. etc.^{[WS 3]}

18.

Nach der vil grozen liebe kam

im ein vnsenftez vngemach.
dc ime der minne ein^[1] benam
der lieben frowen er veriach.
er sprach vil schone wip
dc wir vns mv̊zen scheiden
des lit gar vroidelôs min lip.
ez na. etc.^{[WS 4]}

1. teil fehlt.

Anmerkungen (Wikisource)

1. Lies, sich zwei lieben scheiden die haben
   herzeleide clage.
2. Lies, swa sich zwei lieben scheiden die haben
   herzeleide clage.
3. Lies, dem tage
   swa sich zwei lieben scheiden die haben herzeleide clage.
4. Lies, nahet dem tage
   swa sich zwei lieben scheiden die haben herzeleide clage.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 289. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_289.png&oldid=- (Version vom 7.1.2019)