Seite:Literarischer Verein Stuttgart IX 298.png

	Verschiedene: Bibliothek des Literarischen Vereins in Stuttgart (Band IX)

ein wip dv͛ grozen kvmber von mir hat
dc ich si vinde an ir eren
so wert er mich der bette gar
svle aber si ir leben verkeren
so gebe got dc ich vervar.

4.

     * Mich mac der tot von ir minnen wol scheiden(H. 3, 329^a)

anders nieman des han ich gesworn
ern ist min vru͛nt niht der mir si wil leiden
wand ich ze einer vroide si han erkorn
swenne ich von schvlden erarn iren zorn
so bin ich vervlůchet vor gotte alse ein heiden
si ist wol gemv̊t vnd ist vil wol geborn
heiliger got wis gnedic vns beiden.

5.

* Do dv͛ wolgetane gesach dc crvce an mine^[1] cleide.(H. 3, 329^b)

do sprach dv͛ gv̊te. gie. (so)
wie wiltv͛ nv geleisten die beide.
varn vber mer. vnd iedoch wesen hie
si sprach wold geborn vmbe si^[2]
e waz mir we do geschach mir nie so leide

6.

* nv min herze vrowe nv entrvre niht so sere

dc wil ich iemer zeinem liebe haben
wir svln varn dvr des richen gottes ere
gern ze helfe dem vil heiligen grabe
swer dc bestrvchet der mac vil wol besnabe^[3]
dane niemen zesere gevalle
dc meine ich so so die selen werden vro.
so si zehimele keren mit schallen.

---

1. Lies minem.
2. Darnach fehlen zwei Zeilen.
3. Lies besnaben.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 298. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_298.png&oldid=- (Version vom 7.1.2019)