den man nach tode danket werdes mv̊tes.
die namen ere vur das gv̊t.
hetin si behalten alse maneger tv̊t
waz were in deste baz. nv sint si dort dc gv̊t ist hie.
vnd ergit den ivngen wirs danne ê den alten
den hort gefristen mohte den veriesch ich nie
swie er waz gewunnen oder behalten
sone konde er niht gewegen
daran gedenken alle die arges willen pflegen.
wa von die sanger[1] also selten singen.
dc wil ich wol bescheiden den
man vant. ê vnder zwelfen wilent eteswen
der einen dar vf behielt
trost[2] er ez mit schelten wagen
des en ist nv niht swaz si alle mv̊gen twingen
daz bv̊zet an in niht ein broth
swer och vergebene lopte daz were ein not
sit manez so cleine . . .[3]
och irret singet ieman iht
daz lernet niemen von den valschen sachen
si habent ze vroiden harte cleine zv̊versiht.
wer solt dvr so verlornez tihten wachen
diz ist dez sangez slac
ǒch schadet der richen erge diech niht genvzen mac.
vnd schame hin ze rvggen legent da man nach ganzen eren solde ringen.
we daz ir bein ir arme ir hant ir zvngen niht erlament
ir herze mv̊ze vnselic sint[4] die sich so gar verschamen an gv̊ten dingen.
schame ist bezzer danne silber vnd golt
zwͦi. sol dem gv̊t dem niemen ist zerehte holt
swer schame hat der mac wol vru͛nt gewinnen
si ist aller tvngende ein spiegel gar
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 308. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_308.png&oldid=- (Version vom 7.1.2019)
