Seite:Literarischer Verein Stuttgart IX 310.png

	Verschiedene: Bibliothek des Literarischen Vereins in Stuttgart (Band IX)

vnd giht ich welli ir eren varen
nv dvr got
hoͤret mine clage
si wil daz ich vremide si
vnd dar mit tru͛wen sinne
si mac ez han vur si si wil me hans^[1] niht vur minne.
ich soldir eteswenne wachen bi.

26.

     Die liehten lieben sv̊ze^[2] tage reine§     (H. 2, 118^a)

die sint zergan.
owe leider von der trv̊ben zit.
da von ich were ganzer vreuden eine
wan. dvr den wan
der mir liebet vnd nahe lit
vmbe ein kint
dar alle mine sinne
gewendet sint
erwirb ich sine minne
so wird ich geil
vnd han der welde minen teil.

27.

Daz ist ein wip dar ich mich han gewendet

nv manegen tac.
ander vinde ich niht wan kindes mv̊t
mich hat min herze lange dar gesendet.
daz ringe wac
ir gnade als ez noch leider tv̊t
hatte ir lip
nach minem willen gv̊te
si wer ein wip.
dv͛ mich von vngemv̊te
schiede gar
nv ist des niht. noch singe ich iemer dar.

28.

     Nv wil aber der blv̊men schin§     (H. 2, 169^a)

ende sin

1. So, lies mirs han.
2. Lies süezen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 310. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_310.png&oldid=- (Version vom 7.1.2019)