Seite:Literarischer Verein Stuttgart IX 343.png

	Verschiedene: Bibliothek des Literarischen Vereins in Stuttgart (Band IX)

45.

* (D)ie froide mir verbotten hat

mins lieben heren tot.
also daz ich ir mer erbern sol.
sit dez nu niht mac werden rat
in ringe mit der not.
daz mir min klagedes herze ist iamirs vol.
dv in iemer weinet daz bin ich.
wan er vil selich man jo troste er wol ze lebende mich
der ist nu hin waz dohte ich hie
wis ime gnedic herre got
wan tugenthafter gast kam in din gesinde nie.

46.

     * v ns kumt div suͤzze sumer zit.(H. 3, 468n^b)

vnde swas der summer frǒden git.
mit liehter ǒgenweide.
Daz velt in gruͤner varwe lit.
der blůmen glesten widerstrit.
Sich pruͤvet vf der heide
Gel vnd bla.
wiz vnd rot.
hie vnde da.
sam ez gebot.
des liehten meien wnne.
nu lobe swer loben kunne.
Lǒb vnde cle.
den niht als e.
rif vnd sne
benimet ir liehte schowe.
grvͤne walt vnd owe.
hant vf rise
wol ciprise.
sanges wise.
von der nahtegal
berg vnde tal.
wol vber al
sint becronet.^[1]

1. In der Hs. becronent; n ist durch einen Punkt getilgt.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 343. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_343.png&oldid=- (Version vom 7.1.2019)