Seite:Literarischer Verein Stuttgart IX 348.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

das man ir bv̊cher alle tagen obe allen himelen hohe sieht.
da sich got birget in sin brot.
in siner priester hant.
alda zehant dv erde hat den himel vber stigen.
solicher gaben sint die hohen engele gar virzigen.
si mvgen niht den gotes sun dem vater gopher[1] also wir.
wr welt[2] alsolich ere wir han von got vnd och von dir.

50.
ich hore dicke sprechen so die haben sich abe getan.

der welt das doch noch nie geschach noch niemer mensche irzvgen kan.
dehen stunde naht noch tag
noch niemer ken cit
man tv̊t sich vries leben wol vnd och der sunden aben.
ane got vnd ane der welte kv̊le ir werme vnd och ir labe.
geleben nieman niht enmag.
noch swenne tot gelit.
der menschen mv̊s der welte hie fleis vnd leben lan
vnde iemer endeliche der lip mitsamt der sele erstan.
also iemer mv̊s an ende wesen in eweclicher ewikeit
vor[2] welt alsolich ere hat got selber an vch geleit.

51.
So wol dir welt so wol dir hute vnde iemer mere wol.

och wol dir des das ich das himelriche noch besizen sol.
das ist von gote vnde och von dir.
darzv̊ geber du mich.
ane dich des menschen kinde nie ken gv̊t geschach.
noch an dich des menschen ǒgen got noch nieken liep gesach.
Einvaltig mensche hore mir.
got leret selber dich.
er leret dich du solt eren vater vnde mv̊ter din.
Vnde tv̊st tu das von dir du welt mv̊s vnbescholten sin.
vor[2] welt von got vnd och von dir wir solich wirt vnd ere han.
das alle creatu͛re sin dem menschen vndertan.[3]

52.
M An schiltet got noch sinu wnder wert dar vnbe niht.(H. 2, 358a)

ob man der welte brehten[4] vnd groser missewende ieht.[5]

  1. ↑ Lies gophern.
  2. ↑ a b c Lies vro oder ver Welt.
  3. ↑ Die Strophen 47–51 sind ohne Absatz zusammengeschrieben. Die folgenden (52–56) dagegen sind abgesetzt, doch ohne Zwischenräume.
  4. ↑ Lies bresten.
  5. ↑ Lies giht.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 348. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_348.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_348.png&oldid=3471435“