Seite:Ludwigs des Bayern Königswahlgesetz Licet iuris vom 6. August 1338.pdf/18

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

omnibus imperio subditis obediri, et administrandi bona[TK 1] et iura imperii et cetera faciendi, que ad imperatorem verum pertinent, habet[TK 2] plenariam potestatem, nec pape sive sedis apostolice aut alicuius alterius approbatione, confirmatione et auctoritate indiget vel consensu. Et hac in perpetuum valitura lege decernimus, ut electus in imperatorem concorditer vel a maiori parte electorum ex sola electione censeatur et habeatur ab omnibus pro vero et legitimo imperatore, et eidem ab omnibus subiectis imperio debeat obediri, et administrationem et iurisdictionem imperialem et imperialis potestatis plenitudinem habeat et habere ac obtinere ab omnibus censeatur et firmiter asseratur. Quicunque[Occam 1] autem contra hec declarata, decreta et diffinita vel aliquid eorum asserere seu dicere aut asserentibus seu[TK 3] dicentibus consentire vel eorum mandatis, litteris vel preceptis obedire presumpserint[TK 4], eos omnibus feudis, que ab imperio detinent, et omnibus gratiis, iurisdictionibus, privilegiis et immunitatibus a nobis vel predecessoribus nostris eis concessis ex nunc privamus et ipso[TK 5] iure et facto decernimus esse privatos. Insuper eos crimen lese maiestatis decernimus incurrisse et penis omnibus impositis crimen lese maiestatis committentibus subiacere. In[TK 6] quorum omnium testimonium presentem legem sive edictum conscribi iussimus et nostre maiestatis bulla fecimus communiri.

Facta[TK 7] fuit hec lex et publicata in opido nostro de Franchenvurt[TK 8], VI. die Augusti, anno Domini MCCCXXXVIII, regni nostri anno XXIII, imperii vero XI.

  1. ↑ ‚bona et‘ fehlen C.
  2. ↑ ‚plen. habet pot.‘ C.
  3. ↑ ‚sive‘ A 2.
  4. ↑ ‚presumpserunt‘ A 2; ‚presumpserit‘ B.
  5. ↑ ‚ipso‘ B. C; ‚omni‘ A.
  6. ↑ ‚In quorum — communiri‘ fehlt C.
  7. ↑ Statt ‚Facta‘ u. s. w. bis zu Ende hat C: ‚Datum in Coloniensi civitate Alemannie die‘.
  8. ↑ ‚Franchenvort‘ A 2.
  1. ↑ Occams Auszug, Fortsetzung: Et quicunque contra hec declarata, decreta et diffinita vel aliquid eorum asserere seu dicere aut asserentibus sive dicentibus consentire vel eorum mandatis, literis vel preceptis obedire presumpserit, eos omnibus feudis, que ab imperio detinent, et omnibus graciis, iurisdiccionibus, privilegiis et immunitatibus a nobis vel predecessoribus nostris eis concessis ex nunc privamus et ipso iure et facto decernimus esse privatos. Insuper eos crimen lese maiestatis decernimus incurrisse et penis omnibus inpositis lese maiestatis crimen committentibus subiacere.
Von „https://de.wikisource.org/w/index.php?title=Seite:Ludwigs_des_Bayern_Königswahlgesetz_Licet_iuris_vom_6._August_1338.pdf/18&oldid=3348777“