ind geloyven, also dat die egenante heren zo yrre steide nutze yren willen damyt doin moigen. Ind wir Heynrich ind Gumprecht vurscreven soilen ouch die begijnen, die yetzont daeynne synt, in ander convente wijsen ind wat renten in dat convent gehoerent, die soilen wir Heynrich ind Gumprecht ouch keren, war wir willen. Ind alle geistliche besweirnisse des conventz vur diegene, die dat gestift haynt, die solen wir ouch also versorgen, dat die egenante burgermeistere ind rait noch yre naekoemlinge des nyet zo schaffen haven. Ind wurde hernae umber bevunden, dat dis vurgenante convent in dem schryne geschreven stoynde, so soilen wir Heynrich ind Gumprecht of unse erven die egenante heren of yre nakoemlinge burgermeistere ind rait der steide Coelne zerzyt zo urber yrre steide vurgenant daran up yrre steide cost brengen sunder argelist. Ind hervur haynt die vurgenante burgermeistere ind rait vur sich ind yre nackoemlinge uns Heynrich ind Gumprecht zo lieve ind vur dat egenante geistliche convent, den geistlichen priesteren ind broederen in dem hoyve Wydenbach genant, reicht untgayn sent Panthaleoens cloester over der bach bynnen Coellen geleigen yetzont wonende, weder gegeven al den platz, der tuschen deym selven huyse ind hoeve Wydenbach ind der bach geleigen ind yetzont unbebuwet is, also dat die priestere ind broedere vur sich ind yre nakoemlinge zo ewigen dagen, die den selven hof Wydenbach besitzende werden, den platz bis an die bach sunder myddel zo urber des hoifs halden, haven, besitzen ind bebuwen ind des gebruychen mogen zo all yrme nutze ind urber, doch nemant anders damyt zo na of vurder zo overbuwen, dan sich van reicht geburt, sonder argelist. Ind darumb soilen ouch die selve priestere ind broedere die bach up der syden, da der hof Wydenbach steit, van deym hoeve zo deym Jueden an bis unden, da der hof Wydenbach wendt, myt guden unkelsteynen doyn muyren, ind die muyre up yre kost zo ewigen dagen buwelich halden. Ind up die andere syde zo sent Panthaleoens cloister wart soilen sy die bach ouch in vurgenanter maissen doyn muyren van dem hoyve zo deym Jueden an bis an ende der brucgen, die yetzont over de bach in die portze des hoifs Wydenbach dient. Ind als dat deyl also gemacht is, so soilen die selve burgermeistere ind rait die syde vort bis an dat ende des hoifs Wydenbach dan up yrre stede kost ouch also doen muyren ind dan vort die ganze syde zo sent Panthaleoin wart van dem vurgenanten hoeve zo deym Jueden bis an dat ende des hoifs Wydenbach zo ewigen dagen up yrre steide cost buwelich halden, ind all sunder argelist. Ind dis zo urkunde der wairheit ind ewiger stedigeit hayn wir Heynrich ind Gumprecht Hardvuyst mallich syn segel an desen breif vur uns ind unse erven an desen breif gehangen ind hayn vort gebeden Johan Mummersloch, scheffen zo Coelne, dat hee as eyn medeerve des selven conventz desen wessel myt beeift ind des zo urkunde syn segel an desen brief vur sich ind syne erven gehangen hait. Ind zo noch mere vestunge deser saichen hain wir Heynrich ind Gumprecht vurgenant gebeden Werner Oeverstoltz, greven des hoengerichtz zo Coellen, ind den vurgenanten Johan Mummersloch, beide scheffen zo Coellen, dat sy as scheffen zo gezuge ind mere vestungen alre vurgenanten saichen yre segel an desen brief gehangen haynt. Ind wir Werner ind Johan
Johann Jakob Merlo: Haus Gürzenich zu Köln, sein Saal und dessen Feste. Selbstverlag des Verfassers, Köln 1885, Seite 77. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Merlo_-_Haus_G%C3%BCrzenich_zu_K%C3%B6ln_-_77.jpg&oldid=- (Version vom 1.8.2018)
