— 23 — |
Die oberkeit der nation
Besorgtent, ir gwalt wurd vndergon;
Das sie der prouecey nement war
Auff dem hoechsten berg Vaus gnant
In Orient vnd vil anderm land,
Auch in India gross vnd clein,
Dar durch der berch bestelt tzu wachten.
Die weissag woltens nit verachten,
Die herren in landen vber al
Besunent sie bald ein grosse tzal;
Gabens den wechtern tzu erkennen,
dethens in kunt vnd offenbar,
das sie des gestierns nement war,
Es geschech durch Sunen oder Mon,
An dem himel bey nacht vnde tag,
So man das gesturn erkennen mag,
In tzu verkundigen alle geschicht,
Was zeichen sie von himel bericht,
Des gabens in gross geschenck furwar.
Do das geboth was auss gegangen,
Hat Herodes die cron enpfangen,
Keyser Augustus setzet in ein:
Do ward sein nam noch weyter bekant
Dan in den landen hie für benant.
Als nun Maria ein sun gebar,
Des nam Herodes gar eben war,
Das man die kindlein noch vnbeschniten,
Welch geboren tzu Bethlahem,
Den kneblin all ir leben nem.
Die prouecey balams hat nit gefelt
Das besorgt die oberkat kar ser,
Zu geberen vber sie ein her,
Das ier gwalt nit wurt gemert:
Das opfer hettens gern verkert.
Als er regiert fier vnd fiertzig iar,
Do deth der engel bald verkunden,