— 30 — |
Sein heilig verscheydung was sunder we.
Sein alter was hundert vnd acht iar,
Kurtz darnach vber ein cleine tzeit
Des sechsten tags was er auch bereit,
Als er sein gotz dienst het gethon,
Gar manches mensch det vm in ston,
Dem herren in das ewig leben;
Seyr geselschaft hat er nach gefolgt
Fur aller welt gut, silber vnd golt.
Casparen bestet man tzu der erden;
All treyg wol mans tzusamen legen,
zur stund dethent die zwen sich regen,
Rucktent von einanderen weit hindan:
In der mit woltent sie Kasparn han.
Hɑbent sie doth nit scheyden wellen.
Gross mirackel habent sy dan
Bey allem volck, weiber, kind vnd man.
Geschach als nach ierem heyligen end:
Kuniclich worend sie becleit,
Dar mit man sie zu grab gelet.
Vil volcks besahens arm vnd reich;
Kein dothen koerper sahens gleich,
Dan keiner gewest Ee er gestarb.
Seuwe die stat was weit bekent,
Darin der glaub auch ward vermengt:
Vil ketzereig wurdent da verpracht,
Gross zweitracht des lands sich teglich mert:
Die dreig leichnam plibent vnfersert,
Sie lagent als schlaffent, nit als doth,
Dair durch alle menschen lobtent got.
Von got warent sie auss erkoren;
Bald wurdent sie geholt von dannen
Von ierem volck mit creutz vnd fannen,
Da ietzlicher her was geboren,
In kasten det man sie bewaren:
Das Volk das kam mit grossen scharen.