Vnd voerchten weder sünd noch schand
Do mit eyn arm man nützet fynd
Vnd hungers sterb mit wib / vnd kynd
Do durch / so hat man yetz vil dür
Nuon galt der wyn kum zehen pfundt
In eym monat es dar zuo kundt
Das er yetz gyltet dryssig gern /
Als gschicht / mit weissen / rocken / kern /
Den man mit zynß / vnd gült duot triben
Mit lyhen / blaetschkouff / vnd mit borgen
Manchem eyn pfundt / gewynt eyn morgen
Me dann es thuon eyn jor lang soltt
Für zehen schribt man eylff jnns buoch
Gar lydlich wer der juden gesuoch
Aber sie moegen nit me bliben
Die kriesten juden / sie vertriben
Ich kenn vil / die ich nit will nennen
Die triben doch wild kouffman schatz
Vnd schwygt dar zuo all recht / vnd gsatz /
Ir vil sich gen dem hagel neygen
Doch gschicht dar gegen ouch gar dick
Das mancher henckt sich an eyn strick /
Wer rich will syn / mit schad der gmeyn
Der ist eyn narr / doch nit alleyn /
{{}}
Sebastian Brant: Doctor Brants Narrenschiff, Basel 1499, Seite 125r. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Narrenschiff_(Brant)_1499_0249.jpg&oldid=- (Version vom 18.8.2016)