Dupla. Progressio.
wolt kauffen ein Ritterßman.
Ein Roß mitt Vier eissenn beschlan.
Ein Jedes zu acht Negeln / Doch meh ahn Fördern Kögeln.
Vmb hundert gulden war das feihl / Erbdacht sich wol ein gutte weil.
Spricht. Jch willß nach den Negeln zaln / wo eß verkauffern thut gefalln.
Vnd wil Jhm für den ersten gebn / Etzliche Pirn das merck ebn.
Vnd fur den andern noch soviel / Vnd allso fordt durch Progreß ziel.
Der vorschlag gfelt verkauffern bald / Gab Jhm das Roß inn sein gewalt /.
Vier schock Pirn vor eine metz / Ein metz vmb funffzes Pfennig setz.
Jch mach die Rechnung Bringts Facit / Ein tausent viertzig gulden mitt,
Vnd einen ordt. Muß keuffer gebn / Fur solches Roß / Es lehrt Jhm ebn
Den Wadsack / daß er desto baß / Kunt sprengen úber Laub vnd graß.
Das Roß ist gutt vnd wolbeschlan / Will auch ein gutten Huffschmit han.
Die frag. Waß kost ein Jeds huffeisn / Jch bin kein Schmitt kan dirs doch weisn.
Vnd setz dasselb allso mitt gunst / Auß guttem grund der Rechenkunst.
2 g. 7 d. Die Fordern zwei-
Facit 3 ff. 19. 8. Eissen.
60. 20. 0. Die hindern zwei
975. 5. 0. Eissen.
1040. 5. 3. Daß gantze Roß.
Machs allso. Die 1040 f. ein ordt mach zu d. Die d. mitt
16 zu Pirnn. Gib dartzu die 16 Pirnn des ersten Nagels.
Radicirs quadratim wirdt 2048. Duplix. Vnd radicirs
Textkritische Anmerkungen
Andreas Reinhard: Drei Register Arithmetischer ahnfeng zur Practic. Leipzig 1599, Seite 165. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Rechenbuch_Reinhard_165.jpg&oldid=- (Version vom 1.8.2018)
