Ein schöner Marckt-Fleck / nahend der Muer / (zwischen Wildan / vnd Muereck / in Vnter-Steyer / vnnd darob das Schloß Seccau / gelegen; allda die Bischöffe von Seccau Hoff halten; so man ins gemein die Bischöffe von Leibnitz nennet. Sihe vnsern Text / p. 82. seq. vnd vnten Seccau.
Ein schöner Marckt-Fleck / Closter / vnd Schloß / zwischen Wien / vnd S. Pölten / in Vnter-Oesterreich gelegen / so neulich noch / wie berichtet worden / Herren Paul Palfi gehörig gewesen; davon im Text / p. 54.
Ein wolerbaute Landsfürstliche Statt in Ober-Steyer; allda die Jesuiten ein Probhauß haben; Sihe von solcher Statt vnd dem nahend gelegnen Adelichen Jungfrau Closter Göß / den Text / p. 72. in welchem S. Benedicten Ordens Closter noch neulicher Zeit Fraw Maria Joanna / Grävin von Kollonitsch / Abbtissin gewesen / die vnter ihr auff die 56. Jungfrauen / vnnd darunter etliche deß Geschlechts von Herberstein / Eybißwald / Pranck / Schrattenpach / Paar / Pfeilberg / Saurau / etc. gehabt hat. Sihe Germ. Sacram P. Gabr. Bucelin. part. 2. fol. 40.
Ein Kärndterisch Stättlein / im Laventhal; aber / sampt seinem überauß schönen Schloß / dem Bisthum Bamberg (so sehr viel Gütter in Kärndten hat) gehörig. Sihe den Text / p. 96.
Ein gewestes Schloß / an dem Wasser Steyer / so / vor Jahren / den Herren von Rohr gehörte; auß welchem Geschlecht noch Anno 1507. Herr Christoff Herr von Rohr / zu Ottenstain / gelebt hat. Es ist besagtes Schloß von Hertzog Albrechten dem Dritten von Oesterreich / lang belagert / endlich erobert / außgebrant / vnd nidergebrochen worden; davon die rudera noch zu sehen.
Wie dieser Ort / im Vinstgöw / zwischen Mals / vnnd Meran / gelegen / vnterschiedlich / außgesprochen wird / vnnd entweder ein Dorff / oder Marcktflecken / zu der Gefürsten Graffschafft Tyrol gehörig / ist.
Von theils Liebenwald genant / ein offener Marckt an der Sau / oder Savo, vnnd darob ein schönes Bergschloß / noch in Vnter-Steyr / gegen Crainwerts gelegen / vnnd entweder den Herren von Lamberg / oder den Herren Muskanen (dann vnterschiedlich berichtet wird /) der Zeit gehörig.
Eine Statt / vnd Schloß / an der Traa / oder Dravo, nahend den Kärndterischen Gräntzen / aber zu Tyrol gehörig; davon / vnd dem Püsterthal / im Text / p. 145. seq.
Ein ansehenliches Cistertzer Closter in Vnter Oesterreich / so der neulich verstorbene Abbt Cornelius herrlich gezieret hat.
Siehe von dieser deß Landes Ob der Ens / oder Ober Oesterreichs / Haupt-Statt / an der Thonau / offt erwehnten vnsern Text / p. 25. bey der daselbst gedachten / vnd weyland im Landhauß allhie gewesten Adelichen Landschafft Schuel / hat M. Johan. Memhardus, ein Würtenberger / vil Jahr / eines Rectoris Ampt vertretten; von deme Martinus Crusius, in paral. rerum Suevicarum libro, cap. 28. pag. 125. also schreibet: M. Joannes
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 424. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_424.jpg&oldid=- (Version vom 4.3.2018)
_424.jpg&oldid=-){kind=link}
_424.jpg&oldid=3094796){kind=link}