vnd feines Wirtshauß / ich gelangt / als ich auß Vnter-Steyer / nach Laybach in Crain gereiset bin.
Ein feiner Gräfflich Kevenhülerischer Marcktfleck / in Ober-Oesterreich / auf Saltzburg zu / vnd nicht weit weit vom Schloß Kogel gelegen.
Ein altes Bergschloß / vnnd Herrschafft in Vnter-Oesterreich / so Zintzendorffisch ist; davon im Text / p. 52. a.
Ist eine auß den Siben Ober-Enserischen Landsfürstlichen Stätten / nahend den Böhmischen Gräntzen gelegen; davon im Text / p. 18. Anno 1626. ward diese Statt / von den Ober-Oesterreichischen auffrührischen Bauren / mit List erobert / die Sie aber / nach dem Sie zuvor sehr übel allda im Schloß gehauset / bald wider verlohren haben. Die Gegend herumb wird das Machland genant; davon auch / an besagtem Ort deß Textes.
Ein sehr altes Stättlein in der Vntern Steyrmarch / dieser Zeit gleichsam nur ein Flecken; so aber seine Stättische Freyheiten noch hat / im Varau Viertel / nahend Pinckenfeld / auff Vngarn zu / gelegen; davon / wie auch dem stattlichen Closter Vara / oder Varau / im Text / p. 67.
Ein vornehme Statt / im Hertzogthum Kärnten; aber dem Ertzbisthum Saltzburg gehörig; davon / vnd dem gleich oberhalb der Statt / auff einem lustigen Berg gelegenen herrlichen Schloß / Geyersperg genant / gedachter vnser Text / p. 94. seq. vnd daselbst / am 95. a. blat. / also zu lesen; Anno 1285. (gedachter Brunnerus lib. 15. Annal. p. 914. sagt Anno 1289.) zog Hertzog Albrecht von Oesterreich / etc.
Ein schöner Landsfürstlicher Marckt-Fleck / 3. Meilen oberhalb Grätz / in Vnter-Steyer / vnnd bey der Muer gelegen.
Eine Landsfürstliche Statt / auch in Vnter-Steyer / an der Vngarischen Gräntzen / vnd den Flüssen Veistritz / vnd Lauffnitz / gelegen; davon im Text / p. 67. seq. In dem 5. Theil deß Theatri Europ. wird am 1069. blat / deß ersten Trucks / gesagt / es hätten die Türcken / deß Jahrs 1646. bey 500. Christen / zu Fürstenwald / sechs meil von Grätz / hinweg geführt / vnnd 200. ins Wasser gesprengt; darunter ein Fleischhacker sich gantz Ritterlich gewehrt habe. So vielleicht dieses Fürstenfeld / vnnd in dem Nahmen verstossen worden seyn mag.
Ein Marckt in Ober-Steyer / zum Closter Admont gehörig / so ein Schloß / S. Gallenstein genant / hat.
Ein Freyherrlich Stahrenbergischer Marckt-Fleck / auff der Strassen von Lintz / nach Prag / vnnd bey anderthalben Meilen von Lintz / im Machland / vnd also in Ober-Oesterreich / gelegen.
Ein Marckt-Fleck / sechs Meilen von dem Mährischen Marckt Westernitz / auff Wien zu / vnd von solcher Statt / wie man findet / vier Meilen gelegen.
Ein Marckt-Fleck / vnd Schloß / auch in Vnter-Oesterreich / vnd auff Mähren zu / an dem Wasser Kamp / gelegen; davon im Text / p. 52.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 398. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_398.jpg&oldid=- (Version vom 1.8.2018)
_398.jpg&oldid=-){kind=link}
_398.jpg&oldid=3396340){kind=link}