In Ober-Steyer / ein Fleck / allda es Hammerschmidten hat.
Ein Bischofflich Bambergischer Ort / in deß Hertzogthums Kärndten theil / so das Canalthal / oder im Canal genennet wird. Siehe den Text / p. 101.
Davon die Malser Heyde den Nahmen hat / vnd dahin man kompt / wann man auß dem Oberland / nach Meran / so eine Tagreise davon gelegen / vnd auff Pozzer / reiset; davon im Text / p. 153 deßgleichen in meinem Itinerario Germaniae, vnd Fido Achate, zu lesen.
Ein Marckt-Fleck in Vnter-Oesterreich / vier meil Wegs von Wien / vnd an den Vngarischen Gräntzen / gelegen; allda ein warmes Gesundbad ist. Siehe von diesem Ort / der sehr schönen Lands-Gelegenheit herumb / vnnd vielen vornehmen Plätzen in der Nachbarschafft / vnsern Text / p. 54. Anno 1651. ward vom Römischen Keyser / Herrn Ferdinando III. im Herbstmonat / der erste Stein / an dem / von der verwittibten Keyserin / Frauen Eleonora, gestifften Carmeliten Closter / allhie / gelegt. Anno 1654. den 23. Julii, N. Cal. ward auß Wien geschrieben / daß den Patribus discalceatis Carmelit. daselbst / ein schönes Eremitorium wäre aufferbawet worden; allda Ihre Keys. Majest. eine Kirchfahrt verrichtet hätten.
Ein Mönchs-Abbtey / Benedictiner Ordens / in Ober-Oesterreich / an den Bäyrisch- vnd Saltzburgischen Gräntzen; davon / vnd dem See / gleiches Nahmens: Item / dem auch Ober-Oesterreichischen Schloß / vnd Herrschafft / Wildenegg; auch der Probstey / vnd See / S. Wolffgang / so auch der Abernsee genannt wird / vnd nach besagtem Mansee gehörig ist / vnser Text / p. 54. seq. zu sehen.
Eine Landsfürstliche in Vnter-Steyr / auff der Strassen von Grätz nach Laybach / vnnd neun meilen von Grätz / an der Traa / Drab / oder Dravo, gelegene Statt; davon in erwehntem Text / p. 73. seq.
Ein Vnter-Steyrischer Orth / an der Drab / zwischen Draaburg / vnd Marchburg gelegen.
Ein gar schönes Benedictiner Closter / im Vinstgöw / vnnd der Graffschafft Tyrol / auff einem Berg / über der Etsch / vnnd ein wenig vnterhalb derselben Vrsprung / gelegen / so die Graven von Maetsch gestifftet / insonderheit aber der heilige Algotus, Bischoff zu Cur / wider auffgericht; vnnd zu vnser Zeit / der Abbt Matthias, so auß dem Closter Weingarten dahin beruffen worden / von Grund auff / mit grossen Vnkosten / wider erbauet hat.
Ein Marckt-Fleck; wie ein Stättlein / an dem Fluß March / oder Marck / in Vnter-Oesterreich / vnd an den Vngarischen Gräntzen / gelegen; davon; item dem Marchfeld / den Orten Teben / Leopoldstorff / Schönkirchen / vnnd Anger / vnser Text / p. 55. zu lesen.
Auch ein Vnter-Oesterreichischer Marckt / an der Thonau / vnd ein meil Wegs vnter Besenburg / gelegen.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 433. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_433.jpg&oldid=- (Version vom 1.8.2018)