gelegen / vnd also auch das viertel Cilly / im Land Steyer / dem Patriarchen von Aquilegia, oder Aglarn / gelassen worden; wie oberwehnter Megiserus libr. 6. c. 18. schreibet. Bey dieses Arnonis Zeiten ist ein Concilium allhie Anno 807. gehalten worden. Vnd hat er den Weißbach / der an zwey Orthen rinnet / auff seinen Vnkosten / vnd mit Rath Chunonis Guttradii in die Statt geführet / vnnd ist hernach Anno 821. gestorben. 11. Amilion, oder Ammilonius. 12. Adalramus. 13. Liupramus, oder Leopramus, Luipramus. 14. Adalbinus. 15. Adalbertus. 16. Dietmarus. 17. Pilgrinus. 18. Ludepertus, welchen Theils außlassen / vnd nach Pilgrino gleich Vdelbertum; andere aber diesen vnter die Bischoffe nicht setzen / der sonsten beym Hundio der 19. vnd sein Nachfolger Egilolfus der 20. ist / den Theils für den 19. zehlen: Auff welchen bey gedachtem Hundio folget der 21.Herolfus, oder Heroldus, ein Graf von Scheyren. 22. Friederich. 23. S. Hardwig / auß dem Spanheimisch Artenburg- oder Ortenburgischen / (so man die Laventhaler nennet) Fürstlichem Geschlecht / der Anno 1023. gestorben. 24. Günther. 25. Dietmar der Ander. 26. Balduinus, Waldwinus, oder Baldingus. 27. Gebhardus, so es mit dem Papst wider Käyser Heinrichen den Vierdten gehalten / vnd daher den Titul Legati Apostolici in Germania bekommen / so seine Nachfolger noch haben. Er solle deß Ritterstandts auß Schwaben gewesen seyn. Von ihme ist das Closter Admont im Land Steyer; wie auch 3. Schlösser / Saltzburg / Werffen / vnd Freysach bevestiget / vnd das Bistumb zu Gurck in Kärnten / Anno 1072. gestifftet worden; er aber ist Anno 1088. gestorben. Sein Nachfolger / S. Thiemo, ist / in Galilaea, von den Saracenern / gefangen / vnnd getödtet worden; hat gelebt vmbs Jahr 1001[WS 1]. Auff ihn ist gefolgt B. Conradus, auß dem Fürstlich Scheyrischen Geschlecht / ein Graf von Abensperg / der Anno 1147. gestorben. Sein Nachfahr / oder der 30. Bischoff / war S. Eberhard / ein Graf von Hilpoltstein / so Anno 1164. diese Welt gesegnet hat. 31. Conradus der Ander. 32. Adalbertus der Ander; wider welchen / zur Zeit der Strittigkeit Käyser Friedrichs / vnd Papst Alexanders / Conradus ein Graf von Wittelspach erwöhlet / der hernach Ertzbischoff zu Mäyntz worden / vnd besagter Adalbert wider nach Saltzburg kommen ist; deme Anno 1200. Eberhard der Ander succedirt; nach welchem der Papst einen Burgharden erwöhlet / der aber nit / sondern Philippus zur Regierung kommen / den Hundius für den 35. andere den 34. setzen; wider welchen der Papst Udalricum geordnet hat / so der 36. Bischoff gewesen. Aventinus schreibet / daß diese beyde / nämblich Philippus, Hertzog aus Kärndten / den der Papst nicht haben wolte / vnd Bischoff Vlrich von Seccaw / mit dem es die Hertzogen auß Bäyern hielten / vmb das Stifft Saltzburg gekrieget haben / vnnd auch Saltzburg vom Hertzog Heinrichen belägert / vnd (ein Theil davon vber dem Wasser) erobert; Halliola / oder Hällel / außgebrandt / vnnd die andere Stätt auch belägert worden seyen: Als aber bey hellem liechten Tag / da es heiter am Himmel war / das Wetter in das Läger schlug / da seye der Hertzog erschrocken / vnd wider (von Saltzburg) abgezogen; Bischoff Vlrich habe sich seines Rechts verziehen / vnd Philippus ErtzBischoff blieben / (der hernach Patriarch zu Aquilegia worden ist.) 37. Uladislaus. 38. Friederich der Ander. 39. Rudolph von Hohenegg. 40. Conrad von Breitenfurt / sonst von Vanstorff / Bischoff zu Lavent. 41. Weickard von Polheim / An. 1312. erwöhlet. 42. Friederich der Dritt. 43. Heinrich. 44. Ortulph / oder Ortolphus von Weißenegg. 45. Pilgrim der Ander / von Puchheim. 46. Gregorius, Schenck von Osterwitz. 47. Eberhard der Dritte von Newhausen. 48. Eberhard der Vierdte / von Stahrenberg / An. 1427. erwöhlt. 49. Johann der Ander. 50. Friederich der Vierdte / Truchseß von Emerberg. 51. Sigmund von Wolckersdorff. 52. Burckhard von Weißbriach. 53. Bernhard von Rohr. 54. Johannes der Dritte. 55. Friederich der Fünffte / ein Graf von Schaunberg. 56. Sigismund der Ander von Holeneck / deß Geistlichen Rechts Doctor. 57. Leonhard von Keutschach. 58. Matthaeus Lang von Wellenburg / Anno 1519. erwöhlet. 59. Ernestus Hertzog in Bäyern / Hertzog Albrechts Sohn / An. 1540.
Anmerkungen (Wikisource)
Matthäus Merian: Topographia Bavariae. Frankfurter Kunstverein, Frankfurt am Mayn 1644, Seite 96. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Bavariae_(Merian)_166.jpg&oldid=- (Version vom 7.1.2019)
_166.jpg&oldid=-){kind=link}
_166.jpg&oldid=3473057){kind=link}