Ein Closter Cistertzienser Ordens / nicht weit von Cham / in der Obern Pfalz / gelegen / welches die Graffen von Rietenburg / auß deß berühmbten Graffens Babonis von Abensperg Geschlecht / Anno 1143. gestifftet. Der letzte auß diesen Graffen / so von dem Schloß / Marcktflecken / vnd Vogtey / Rietenburg / an der Altmüll / den Nahmen geführt / gar viel Herrschafften / vnnd Güter / in Oesterreich / VoitLand / Franckenland vnd Bäyern / inngehabt haben / ist der Heylige Otho Minor, ein Mönch / gewesen / der / nach dem Jahr eylffhundert vnd fünffzig / zu besagtem Walderbach / gestorben ist.
Ein Stättlein in der Obern Pfalz / nahendt Schönthal / vnnd Retz / an der Schwartzach / (so bey Schwartzenfeld in die Nab kompt) bey dem Böhmer Wald gelegen / vnnd der Zeit Chur Bäyern gehörig / Anno ein tausendt sechshundert vnd ein vnd vierzig / haben die Schwedische WaldMünchen vnd besagtes Schönthal / eingenommen.
Ligt in Ober-Bayern / vnd ist / sampt dem LandGericht / 2. Clöster / 2. Adelichen Sitzen / 3. Hoffmarchen / vnnd etlichen Dörffern / / zu der Fürstl. Regierung Mönchen gehörig. Es vermeynt P. Bertius lib. 1. rerum Germanic. pagin. 125. daß Wasserburg vor Zeiten der Alten Pons AEni gewesen / wie dessen das Itinierarium Antonini, die Tabula Peutingeriana, Tabula miliaria, vnd die Notitia Imperii, gedencken. Aber Philip. Cluverius will / daß Pons AEni gewesen / wo jetzt Alten Hohenaw ist / so etwas oberhalb Wasserburg gelegen. Ist eine schöne / lustige / wolerbawte / reiche / vnd nehrhaffte Statt / die der Fluß Inn fast gantz / biß an einen engen Paß / vnnd Halls / vmbgiebet. Man siehet sie nicht / biß einer daran kompt / weil sie gar tieff / vnd zwischen den Bergen / vnd zwar etwas vneben gelegen. Hat vorhin eygene Graffen gehabt / so aber vor längsten außgestorben seyn / vnd die Statt sampt der Graffschafft / durch Krieg an Bäyern kommen ist; davon Aventinus lib. 8. folio 372. Lazius de migrat. Gentium libro 7. vnd Brunner. l. 14. Annal. p. 751. seq. zu lesen. Es hat allhie auch schöne Kirchen / vnd stehet in der PfarrKirchen dise folgende Schrifft in Stein gehawen:
Matthäus Merian: Topographia Bavariae. Frankfurter Kunstverein, Frankfurt am Mayn 1644, Seite 109. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Bavariae_(Merian)_192.jpg&oldid=- (Version vom 19.3.2021)
_192.jpg&oldid=-){kind=link}
_192.jpg&oldid=3754079){kind=link}