Seite:Von dem Aufenthalt und den Besitzungen der Grafen von Nassau in Franken (Teil 2).pdf/37

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

zeiten selber zu ewer gegenwertikeit nicht kumen mugen, Darumb senden wir zu ewern truwen, den edeln Johan Grafen von Nassaw Vnsern liben Nefen. Huwarten von Elter Riter, Vnd Gunthern Tokler von Babenberg Vnsern Secretarium, Vnd als vnser egen herre der – – Keiser, euch hat ermant, Also biten vnd begeren Wir ernstlichen, daz ir denselben vnsern getruwen, oder zweinn von In den wir des gantz maht geben ze nemen mit disem brif, von vnsern Wegen, vnd an vnser stat. von des Richs wegen, huldet vnd swert daz zu tun, als vnser eigen herre, der.. Keiser hat geboten, Vnd was in vnsern eigen getruwen, oder zweien von in. Also huldet vnd swert daran benuget vns als wol, als ir vns selber gehuldet, vnd gesworen hetet. Vnd wenn ir daz habt getan, So geloben wir euch als ein Vicarie, des heiligen Richs, daz wir euch, vnd die vorgnant Stat, bey allen rehten, freiheiten, hantuesten, vnd guten gewonheiten die ir von Römischen. Keisern, vnd Kunigen, von newen, vnd von alten Ziten erworben habt, Vngehindert lazzen sullen, Vnd auch daz Wir euch befriden. vnd beschirmen wöllen. Vor allem Vnrecht, als Verr, als wir kummen vnd mugen, Auch geloben wir euch ze halten Waz euch die vorgnant vnser getruwen, oder zwen von in gelobent, Alle die vorgeschriben gelubde, Vnd artikel, geloben wir euch in guten truwen Vnd vf vnser furstenlich ere, Wol ze halten, sunder arge list, Vnd geuerde. Des zu Vrkunde. haben wir Vnser Insigel, an disen