Seite:Wasserschleben-ludoviciana.pdf/20

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

studia, mores et conversationem studiosorum Philosophiae[1] inquirent diligenter, ubi et cum quibus habitent, quorum convictu utantur, quos habeant privatos praeceptores, quas audiant lectiones[2] Censuram qui contumaciter neglexerint, vel poena carceris vel pecuniaria pro rei qualitate et arbitrio Decani mulctabuntur.

  2. (LIII. 9) Poenam a Decano irrogatam solvere ubi renuerint, Rector eos in ordinem coget, mulcta vero Decano cedet.
  2. Omnes omnino ac singuli Professores Philosophia in hoc elaborabunt, ut ea qua poterunt fide et virtute professiones suas tam praelegendo, quam disputando et declamando exornent et amplificent.
  2. Ethicus enarrabit Moralia Aristotelis ita, ut propositis et explicatis e textu Aristotelis brevibus quibusdam theorematibus quaestiones controversae subjiciantur, his absolutis adjunget vel Politicam vel Oeconomicam.
  2. Logicus Organum Aristotelis profitebitur, aut praecepta ex Aristotele desumpta, accomodata ad methodum Rami: addet etiam canones cujuslibet argumenti eorumque explicationem cum adjuncta doctrina de Elenchis.
  2. Idem etiam horis successivis docebit Metaphysicam.
  2. Graecus enarrabit alternatim vel libros Graecos Aristotelis vel Patres Graecos vel Poëtas et Oratores Graecos, Hesiodum, Homerum et probatos alios.
  2. Historicus proponet vel Chronicon Carionis vel Sleidanum de Monarchiis vel Livium, Iustinum et probatos Historicos alios.
  2. Physicus enarrabit vel libros Aristotelis Physicos vel Compendia Physica, praecipue vero Magiri, Hafenreuteri, Velcurionis et aliorum optimae notae autorum.
  2. Rhetor proponet e Philippo doctrinam de generibus causarum, e Ramo Tropologiam et Schemata: ex libro aliquo Ciceronis vel orationibus Historicum proponet Analysin et praxin Rhetoricam, materias declamationum praeleget et exercitiis declamationum oratoriis studiosos informabit publico collegio Declamationum instituto.
  2. Mathematicus praeleget alternatim Sphaeram et Geometriam, singulis vero septimanis horas aliquot dicabit Arithmeticis, operam autem dabit, ut breviter praecepta proponat et annuatim, si fieri possit, absolvat.
    1. ↑ Phil. fehlt das.
    2. ↑ Das Folgende fehlt das. Statt dessen steht hier: Lectionibus disputationes publicas adjungent. Decanus una cum Rectore providebit, ut omnia in classibus ordine et diligenter peragantur.
    Empfohlene Zitierweise:
    Hermann Wasserschleben: Die ältesten Privilegien und Statuten der Ludoviciana. Louis Wenzel, Gießen 1881, Seite 20. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Wasserschleben-ludoviciana.pdf/20&oldid=- (Version vom 13.9.2023)
    Von „https://de.wikisource.org/w/index.php?title=Seite:Wasserschleben-ludoviciana.pdf/20&oldid=4282381“