Seite:Wasserschleben-ludoviciana.pdf/21

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

12. Hebraeus enarrabit Grammaticam aliquam, vel ipse praecepta quaepiam dictabit; loca V. T. controversa explicabit, exercitia etiam publica praeleget; collegium Hebraeum pro captu auditorum sua etiam occasione instituet.


VIII.[1])
De paedagogiarcha.

1. Paedagogiarcha non solum ipse diligenter suum officium faciet, sed etiam providebit, ut caetari Collegae in officio faciendo sind seduli.

2.(LXXXII. 1) Singulis semestribus examina instituet, ad quae adhibebuntur Decanus facultatis Theologicae propter doctrinam Catecheticam, et praeter hunc Philosophi, quorum judicio in eximendis idoneis utetur.

3. (LXXXII. 4) In collocatione adolescentum post examina judicia collegarum etiam attendet.

4. (LXXIX. 10) Cum adolescentes in disciplinam recepit, pro inscriptione quadrantem thaleri pro Rectore et tantundem pro se recipiet.

5. (LXXIX. 11) In disciplinam receptos Rectori sub finem Rectoratus sistet, ut et ille eos albo Academiae[2] inferat.

6. (LXXIX. 4) Nihil suo privato consilio mutabit ipse, sed Rectorem et Decanum, cum quid immutandum videbitur, adhibebit.

7. (LXXIX. 9) Delicta graviora Classicorum cum consilio et judicio Rectoris puniet.

8. (LXXIX. 8) Providebit ut castigationes sint moderatae.

IX.[3])
De officio studiosorum.

1. Singuli studiosi intra novendium nomen suum apud Rectorem profitebuntur et pro inscriptione, honorarii loco, Rectori dimidium thalerum numerabunt, pauperum tamen ratio habebitur. Qui autem nomen suum intra dictum tempus profiteri neglexerint, pro mulcta aureum Rhenanum solvent vel prorsus obstinati e schola [4] et urbe excludentur.


  1. Die Zahl fehlt das.
  2. Gymnasii: das
  3. Die Zahl fehlt das.
  4. Gymnasio: das
Empfohlene Zitierweise:
Hermann Wasserschleben: Die ältesten Privilegien und Statuten der Ludoviciana. Louis Wenzel, Gießen 1881, Seite 21. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Wasserschleben-ludoviciana.pdf/21&oldid=- (Version vom 14.9.2023)